Nagpalusot og ecstasy ug Marijuana sikop
CEBU, Philippines — Mokabat sa 26 ka operations ang gipahigayon sa Simultaneous Anti-Criminality Law Enforcement Operation (SACLEO) sa kapulisan sa Dakbayan sa Sugbo niadtong Biyernes.
Kini ang gitug-an ni Police Lieutenant Colonel Wilbert Parilla ang Deputy City Director for Operations sa Cebu City Police Office.
Matud pa ni Parilla, nga ang maong mga operasyon miresulta sa pagka sakmit sa 400 gramos sa gituohang shabu. Samtang gidayeg usab ang Parian Police Station human sila makasikop sa usa ka tawo nga nakuhaan og pito ka ecstasy ug marijuana.
Dugang pa ni Parilla, adunay asset nga naghatag ug impormasyon batok sa nagpayuhot sa maong matang sa illegal nga drugas, kinsa naila kini nga nalambigit sa illegal nga kalihukan.
Gibutyag ni Parilla nga lisod ang pag monitor sa nagpalusot og ecstasy tungod kay kasagaran sa mga parukyano niini mga kwartahan diha sa mga bars, hotel ug uban pa itande sa shabu nga mahimo rang mapalusot og trisikad driver.— MEL (BANATNEWS)
- Latest