Amahan nalumos atol sa Father`s Day
CEBU, Philippines — Usa ka amahan ang nakalas atol sa Father’s Day human kini gituohan nga nalumos samtang naligo sa kadagatan sa Barangay Saavedra, Lungsod sa Moalboal, alas tres y media sa hapon adlaw nga Domingo.
Ang nakalas naila nga si Alexandre Davis Macasero, minyo ug residente sa Alaska, Barangay Mambaling ning Dakbayan sa Sugbo.
Base sa imbestigasyon sa kapulisan sa Lungsod sa Moalboal, giingong naligo ang biktima, ug base sa pamahayag sa anak niini dili kasarangan ang linihokan sa iyang amahan nga iyang nakita ug didto kini ni collapse sa dagat,
Dali nga gidala sa Badian District Hospital si Macasero sa miresponde nga personnel nga duty sa Public Assistance Desk Pat Sinfronio Catubay Jr,.
Apan gideklarar kini sa attending physician nga dead on arrival.
Ang kapulisan padayon pa nihimo ug imbestigasyon sa maong insidente. —MEL (BANATNEWS)
- Latest