_banat
^

78 porsyento sa basura nga nakuha sa coastal clean-up mga plastic

Sanden J. Anadia (Banat) - June 21, 2021 - 12:00am

CEBU, Philippines — Mokabat sa 13,000 ka tonelda nga basura ang nakolekta sa gipahigayon nga Cebu City- wide coastal and riverside clean-up niadtong Sabado.

Kini ang nasayran gikan ni Reymar Hijarra, ang subcommittee chairperson for the Coastal Management Task Force (CMTF) base usab sa ilang nakuha nga record gikan sa Department of Public Services DPS.

Suma pa ni Hijarra nga 78% sa mga basura nga nahipos gilangkuban sa mga plastic.

Ang ubang mga basura naglangkob sa papel (4.8%), kahoy (7%), puthaw (2.6%), bildo (2.6%), ug uban pa (14%).

Ang kalihukan nilungtad og upat ka oras nga gisalmotan sa 3,800 ka volunteers.

Nanawagan ang CMTF sa katawhan nga dili magpataka og labay sa basura aron maprotektahan ang kalikopan.

Samtang mokabat usab 12 ka toneladang basura ang nakolekta daplin sa dagat sa Dakbayan sa Talisay.

Mas ubos na kini sa gidaghanon nga ilang nakolekta niadtong tuig 2019.

Si Mayor Gerald Anthony “Samsam” Gullas nibutyag nga gihimo nila ang binuwan nga coastal clean-up bisan pa sa nasinate nga pandemya. “As what I have always say, I want you to see nga naay gobyernong motrabaho para ninyo. But like I said before, we cannot do it alone. We need your help,” dugang pa ni Gullas. Sa laing bahin tinguha ni Mayor Gullas nga hatagan og dugang tabang ang mga naapektuhan pagsuyla sa sapa sa Mananga sa Dakbayan sa Talisay. Si Gullas nakahatag na og pinansyal nga hinabang sa mga naapektohan gikan sa 10 ka mga barangay nga mao ang barangay Campo 4, Jaclupan, Lagtang, Lawaan 3, Lawaan 2, Tabunok, San Isidro, Mohon, Dumlog ug Biasong.

Kahinumduman niadtong miaging mga semana, kalit nga nisaka ang tubig sa sapa sa Mananga bisan paman sa mga barangay nga wala masinati ang pag uwan.

Gihangyo sa mayor ang kadagkuan sa Department of Social Welfare and Development (DSWD-7) nga unta matagaan og dugang ayuda ang mga pamilya apektado sa baha. Gabriel C. Bonjoc/MEL (BANATNEWS)

COASTAL MANAGEMENT TASK FORCE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with