_banat
^

Pagbalik sa operasyon sa legal nga buwangan wa pay approval

Sanden J. Anadia (Banat) - June 21, 2021 - 12:00am

CEBU, Philippines — Konsehal Raymond Garcia mitug-an nga nagpaabot pa gihapon siya sa approval ni Mayor Edgardo Labella nga naghuwat usab sa rekomendasyon sa Cebu City Emergency Operations Center sa subling pagbukas sa legal nga cockpit arena.

Nasayran nga giduso na sa Gamefowl Commission pipila ka bulan na ang nilabay ang rekomendasyon alang sa subling operasyon sa mga cockpit arena.

Nalatid sa rekomendasyon sa Gamefowl Commission nga walay audience sa arena ug tugtan lang nga makasulod mao ang mga handler ug ang ilang assistant.

Subay niini giawhag ni Garcia ang mga operator sa legal nga cockpit arena sa Siyudad sa Sugbo nga mohatag og kooperasyon ilabi na ang pagpatuman sa saktong health protocols sa higayon nga matugtan na kini nga maka-operate og balik.

Dugang pa ni Garcia nga duna nay mga inisyal nga pag-inspeksyon nga gibuhat ang EOC sa mga cockpit arena.

Gipaneguro lang gyud sa kagamhanan nga mapatuman ang health protocols sa higayon nga mabalik na ang legal nga cockfighting.

Una nang gitataw ni Garcia nga kun maablihan og balik ang legal nga mga buwangan sa siyudad, dili na unya matintal ang mga tawo sa mga illegal nga tigbakay.

Nasayran nga dunay upat ka mga dagkong cockpit arena dinhi sa dakbayan.

Base sa guidelines sa Interagency Task Force (IATF), gitugtan na niini ang pagbukas sa legal cockfighting arena sa mga lugar nga ubos sa Modified General Community Quarantine (MGCQ). MEL (BANATNEWS)

EDGARDO LABELLA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with