Laing hugna sa Suroy-Suroy himoon sa Probinsiya sa Sugbo
CEBU, Philippines — Laing hugna sa Suroy- Suroy Sugbo ang ipahigayon sa Probinsya sa Sugbo karong buwana ug sa Hulyo.
Gitataw hinoon ni Maria Lester Ybañez ang Provincial Tourism Officer nga dili kini susama sa suroy-suroy kaniadto nga ang mga partisipante monaog matag lungsod ug dakbayan ug mosaksi sa pasundayag ug masinati ang kultura sa matag lungsod.
“This is not the usual suroy suroy nga atong gibuhat sauna this is a group tour package basically kana bitawng parehas anang i-avail abroad nga naay guides, there`s transport” matod ni Ybañez.
Ang partisipante sa umaabot nga suroy-suroy mga membro sa Philippine Councilor’s League kon diin moabot sa kapin 400. “Philippine Councilors League Members lang because it`s an activity for them yearly na nila gi buhat and this time Cebu province PCL pa”dugang ni Ybañez.
Ang mga partisipante bahinon ni sa duha aron di mag dasok ug ma obserbaran gihapon ang social distancing ug carrying capacity.
“Bubble tourism now is a kind of tourism where you will be travelling in groups kana bitaw`ng you know where you transfer from one place to another para sa atong minimum health protocols to be really followed” matod ni Ybañez.
Ang North leg ipahigayon karong Hunyo 22 hangtud 24 samtang ang mosunod ipahigayon sa Hulyo 6 hangtod 8. MEL (BANATNEWS)
- Latest
