Viaduct temporaryong isirado sugod karon

CEBU, Philippines — Ang Cebu City Transportation Office (CCTO), Cebu Cordova Link Expressway Corp. ug Cebu Link Joint Venture niluwat kini og advisory alang sa temporaryong pagsirado sa Cebu South Coastal Road (CSCR) viaduct sugod karong adlawa.

Ang viaduct gikatakdang isirado gikan sa alas 8:30 sa gabii hangtud sa alas 6:00 sa buntag diin ang maong sestema molungtad kini hangtud sa Hunyo 29, 2021.

Ang mga motorista nga mopaingon ngadto sa norte nga bahin mahimo sila nga moagi diha F. Vestil o sa N. Bacalso gikan sa south samtang ang mopadulong sa south area anha moagi diha sa Osmeña Boulevard ug N. Bacalso.

Nasayran nga nagpadayon ang construction sa Cebu-Cordova Link Expressway (CCLEX).

Mao kini ang taytayan nga nagkonektar sa Siyudad sa Sugbo ug sa Lungsod sa Cordova. BDB (BANATNEWS)