Hubog namuspos og traffic signage sa tindera sikop

CEBU, Philippines — Usa ka hubog ang gidakop sa mga polis human kini giingong namuspos og traffic signage tungod kay wala mahatagi og sigarilyo sa tindera sa usa ka tindahan sa Baranggay Dalid, Lungsod sa Tabuelan niadtong Huwebes sa hapon.

Ang Suspetsado giila nga si Abundio Momo, 50-anyo ug ang biktima mao si Diane Ursal, 30, tindera sa tindahan.

Matud ni Police Staff Sergeant John Mark Asendiente nga si Momo hubog kini ug nipalit og sigarilyo diha sa tindahan ni Ursal apan ang biktima giingong nibalibad kay nahutdan sila og baligya nga sigarilyo.

Giingong nasuko si Momo ug gikuha niini ang traffic sign ug gibunal ngadto kang Ursal maayo gani kay nasagang kini sa biktima.

Ang biktima dali kining ni-report sa kapolisan sa maong hitabo ug gidakop ang suspetsado.

Ang suspetsado natingkagol karon sa detention cell sa kapolisan sa Lungsod sa Tabuelan. BDB (BANATNEWS)