_banat
^
Tag-iya sa balay nga nitakilid nagpakitabang sa Cebu City
Ang balay nila ni Gonzales wala na nila puy-i human sa nahitabong insidente niadtong Oktubre 13, 2020 dihang ang tubig sa sapa sa maong dapit nisaka ug nabahaan sila.
STAR/File

Tag-iya sa balay nga nitakilid nagpakitabang sa Cebu City

Decemay P. Padilla (Banat) - June 19, 2021 - 12:00am

CEBU, Philippines — Nawala ang kabalaka ni Amor Gonzales, usa sa mga tag-iya sa balay diha sa Purok Upper Riverside, Barangay Kamputhaw, Siyudad sa Sugbo tungod kay giaksiyonan na sa kagamhanan sa Siyudad sa Sugbo ang ilang hangyo sa pagguba sa ilang balay nga anaa daplin sa sapa diin nagtakilid na kini.

Ang balay nila ni Gonzales wala na nila puy-i human sa nahitabong insidente niadtong Oktubre 13, 2020 dihang ang tubig sa sapa sa maong dapit nisaka ug nabahaan sila.

Ug dihang nihubas ang tubig ang ilang balay nitakilad kini hinungdan nga nagdali-dali sila og kanaog ug wala na sila mobalik sa ilang gipuy-an.

Ug gumikan kay wala sila’y kwarta nga ikapaguba sa balay nangayo sila og tabang sa kagamhanan sa siyudad aron maguba ang ilang balay.

Si Cebu City Councilor Jerry Guardo, chairman sa committee on infrastructure ug Raquel Arce, pangulo sa Prevention Restoration Order Beautification Enhancement nibisita diha sa lugar.

Matud ni Guardo nga ang maong balay ni-encroach kini sa sapa ug aduna nay kamandoan gikan sa Office of the Building Official alang sa dinalian nga pagguba niini.      

Sa laing bahin, nakadawat na og pinansiyal nga hinabang ang mga pamilyang nagub-an og panimalay gumikan sa pagsaka sa tubig sa sapa sa Mananga niadtong niaging semana.

Si Felipa Solana, pangulo sa City Social Welfare and Development nibutyag nga tag P5 mil ang pinakadako nga madawat sa pamilya kong ang ilang panimalay totally damaged samtang P2 mil ang madawat sa partially damaged.

Ang maong hinabang gikatakdang ihatag sa CSWD karong adlawa ngadto sa 195 ka pamilya nga naapektohan.

Nasayran nga 10 ka barangay sa Siyudad sa Talisay ang naapektohan sa kalit nga pagsaka sa tubig sa sapa sa Mananga.

Ang nahisgutang mga barangay nga apektado gilangkuban sa Campo 4, Jaclupan, Lagtang, Lawaan 3, Tabunok, Lawaan 2, Mohon, Dumlog, San Isidro ug Biasong. Gabriel C. Bonjoc/BDB (BANATNEWS)

CEBU CITY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with