12-anyos napusilan
CEBU, Philippines — Usa ka 12-anyos nga batang lalaki ang nalandig sa tambalanan human kini aksidenteng napusilan sa iyang 10- anyos nga manghod samtang sila nagduwa sa ilang balay diha sa Sitio Canapnapan, Upper Campo 8, Dakbayan sa Toledo niadtong Huwebes sa hapon.
Base sa imbestigasyon sa kapulisan nagduwa ang managsuon uban sa ilang ig-agaw gamit ang nakit-an nga kalibre .38 nga abi sa mga bata usa lang ka duwaan.
Sa pagtuo nga duwaan ang maong armas nga iyang gikablit nibuto kini tumong sa bukobuko sa maguwang.
Ang biktima dali nga gidala sa tambalanan sa Dakbayan sa Toledo, samtang ang manghud anaa sa kustodiya sa Department of Social Welfare and Development. Padayon pang naghimo og imbestigasyon ang kapulisan pagpalalom sa imbestigasyon ug aron usab masayran kun kinsa ang tag-iya sa maong armas.— IBM (BANATNEWS)
- Latest
