_banat
^

43 tawo nasikop sa SACLEO

Rowena Capistrano (Banat) - June 18, 2021 - 12:00am

CEBU, Philippines — Moabot 43 ka mga tawo ang nasikop atol sa 35 ka mga operasyon sa kapulisan sa Dakbayan sa Sugbo pinaagi sa ilang Simultaneous Anti-Criminality Law Enforcement Operations (SACLEO) sa miaging gabii.

Si Police Lieutenant Colonel Wilbert Parilla, Deputy City Director for Operations sa Cebu City Police Office miingon nga may kalabutan sa illegal nga drugas ang 43 ka dinakpan, napulo niini mga high value individual samtang street level ang 33.

Sumala pa ni Parilla, 226.53 gramong gituohang shabu ang nasakmit sa maong operasyon. Kinse sab ka tawo ang nasakmitan og armas ug 25 ka mga warrant of arrest ang ilang nahatud.

Samtang sa Aloguinsan, si Police Staff Sergeant Christian Eligay mibutyag nga ilang nadakpan si Arnel Flores, 31,sa Barangay Angilan ug nakuhaan og pinaketeng gidudahang shabu.

Nadakpan sab ang usa ka Clyde Uy, 27, nga taga Baranggay Talavera, Toledo City nga nakuhaan og pinaketeng gidudahang shabu.

Samtang sa Barangay Lumbang, Dalaguete, nadakpan sab ang 46 anyos nga si Dennis Quiroga tungod gihapon sa ilegal nga drugas.

Sa pikas bahin, 43 ka mga drug surrenderers sa Brgy. Kinasang-an Pardo nga nipaubos sa Community-Based Drug Rehab Program sa Cebu City ang nigradwar sa ilang seminar ug community service sulod sa tulo ka buwan. Ang Cebu City Office for Substance Abuse and Prevention (COSAP)  maoy nagpasiugda sa maong programa.

Karon nga sila nakagradwar, ang After Care Program sa Department of Social Welfare Services (DSWS) motabang kanila nga mahatagan og panginabuhian. —Ariza Rose Miranda, Jason David Bacus /IBM (BANATNEWS)

ARRESTED
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with