_banat
^

Gustong magpabakuna nagdasok

Decemay P. Padilla (Banat) - June 18, 2021 - 12:00am

CEBU, Philippines — Gidagsa sa daghang tawo ang mga vaccination sites sa Cebu City sa pagbalik na sa pagpamakuna kagahapon gamit ang Pfizer BioNTech COVID-19 vaccines.

Ang University of Cebu Senior Highschool Building Banilad Campus, University of Cebu Senior Highschool Building J. Alcantara Campus ug Robinson’s Galleria maoy abli karon sanglit mao ray gitugutan sa Department of Health Central Visayas alang sa inoculation sa Pfizer BioNTech COVID-19 vaccines.

Matud ni Dr. Jeffrey Ibones, officer-in-charge sa Cebu City Health Department ang mga nabakunahan kagahapon mao kadtong mga napadad-an og text message alang sa schedule sa ilang vaccination ug dunay uban nga niadtong pag adlaw’ng Biyernes apan wala maakomodar kay nahutdan og bakuna.

Nanghinaot si Ibones nga dili maputol ang pagabot sa bakuna aron mapadayon ang pagpamakuna sa mga tawong interesado nga magpabakuna.

Kahinumduman nga ang Pfizer BioNTech COVID-19 vaccines nga niabot sa Sugbo alang Central Visayas  gitagana lang sa mga A1, A2, A3 ug A5 priority list kay maoy gusto sa COVAX facility nga maoy nag-donate sa bakuna.

Ang mga tawong ubos sa A5 category mao kadtong dunay identification card sa Unconditional Cash Transfer(UCT) ug Pantawid Pamilya Pilipino Program(4Ps) kini base sab sa pagtawag niya sa Department of Social Welfare and Development ug DOH.

Sa pikas bahin, balik nasab ang Dakbayan sa Lapu-Lapu sa pagpamakuna diha sa Hoops Dome sa Barangay Gun-ob  ug sa city auditorium  sa Barangay Poblacion  sa maong dakbayan gamit ang Pfizer vaccine.

Samtang si Dr. Rey Cesar Bautista nibutyag nga karong adlawa (Biyernes) sirado lang una ang duha ka vaccination sites sa Siyudad sa Talisay aron mopaubos sa training ang medical personnel kung unsaon ang proseso sa Pfizer nga bakuna. —Romeo Limpangog, Gabriel Bonjoc/IBM (BANATNEWS)

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with