_banat
^
Año: Ang mando sa presidente maoy molabaw
“Since the local government units are under the executive branch, they are expected to follow the command of the national government exercised through the executive power of the local chief executive”, matud ni Año.
pna.gov.ph

Año: Ang mando sa presidente maoy molabaw

Le Phyllis F. Antojado (Banat) - June 17, 2021 - 12:00am

CEBU, Philippines — Nangangkon si Interior Secretary Eduardo Año nga malabwan sa kamandoan sa presidente ang ordinansa sa probinsiya alang sa Overseas Filipino Workers ug Returning Overseas Filipinos tungod kay ang local government units ubos sa executive branch ug mosunod sa mando sa national government pinaagi sa executive power sa presidente.

“Since the local government units are under the executive branch, they are expected to follow the command of the national government exercised through the executive power of the local chief executive”, matud ni Año.

Apan si Gobernadora Gwendolyn Garcia nitumbok sa section 105 sa local government code nga naglatid sa local autonomy sa LGUs pagdumala sa mga pandemiya human sa unang unom ka bulan nga ang health secretary gitahasan nga maoy mangulo sa pagdumala sa maong health crisis.

Si Bokal John Ismael Borgonia kinsa nangamahan sa Provincial Ordinance 2021-04 nga naglatid sa protocol sa mga mouli sa mga OFWs ug ROFs nagkanayon nga mobarug sila sa ilang oridnansa sanglit aduna kini “legal ground:” ug nisubay sa local government code.

Human sa senate hearing, si Garcia giimbitar usab sa mga kongresista nga motambong sa virtual meeting sa Committee on Overseas Workers Affairs karong adlawa.

Apil sa agenda sa tigom mao ang mga isyu nga nakaapekto sa OFWs.

Base sa sulat ni Kongresista Raymond Democrito Mendoza, chairman sa Committee on Overseas Workers Affairs nagkanayon kini nga apil sa hisgotan ang update sa sitwasyon sa OFWs nga naapektohan sa pandemiya, quarantine procedures sa mouli nga OFWs, classification sa OFWs sa vaccination priority list nga karon gisaka ngadto sa A1, kalisod nga nasinati sa online registration COVID-19 testing ug uban pa.

Si Garcia gidapit isip usa sa resource person sa maong tigom.

Sa laing bahin, si Mayor Jonas Cortes sa Dakbayan sa Mandaue nitanyag sa karaan nga North Bus Terminal nga kasamtangang quarantine facility ngadto sa OFWs ug ROFs kong ipaubos gyud sila sa 14-days quarantine period base sa kamandoan sa National Inter- Agency Task Force ug mismo ni Presidente Rodrigo Duterte.

Matud ni Cortes nga alang sa OFWs ug ROFs nga Mandauehanon nga gikatakdang moabot nga walay ika-afford sa pagbayad sa mga accredited nga hotel mahimo ra sila nga mopasilong sa quarantine facility diha sa karaan nga terminal. —Rowena D. Capistrano, Romeo T. Limpangog/BDB (BANATNEWS)

EDUARDO AñO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with