Upat ka durugista sa Cebu City ug Consolacion sikop
CEBU, Philippines — Nagtingkagol sa detention cell sa Cebu City Police Office ang duha ka suspetsadong supplier og nubain human sa gihimong buy bust operation sa City Intelligence Unit sa Cebu City Police Office diha sa Barangay Sambag 1, Dakbayan sa Sugbo.
Ang mga suspetsado mao sila si Luther Bernal, 21-anyos, taga Barangay Kasambagan ug Steve Campomanes, 50, taga Barangay Sambag 1. Nangulo sa maong operasyon si Police Lieutenant Colonel Randy Caballes, hepe sa CIU.
Nasakmit gikan sa mga suspetsado ang 170 ka ampules sa nubain nga nibalor ngadto sa P42,750.
Sa laing bahin, nasikop usab atol buy bust operation nga gipahigayon sa kapolisan sa Lungsod sa Consolacion diha sa Barangay Tayud si Roger Abucay Samonte, 35 ug Danilo Capangpangan, 42, parehong residente sa nahisgutang lugar.
Ang duha parehong nasakmit og tag 11 ka paketeng shabu ug tag P500 nga buy bust money.
Ang duha natingkagol karon diha sa detention cell sa Consolacion Police Station. —Ariza Rose/BDB (BANATNEWS)
- Latest
