COMELEC mohatag og espesyal nga pagtagad sa kalalakin-an

CEBU, Philippines — Ang buhatan sa Commission on Election (COMELEC) nationwide mohatag og tribute sa kalalakin-an minyo man o dili sa pagsaulog sa Father‘s Day karong Hunyo 20, 2021.

Kini pinaagi sa paghatag og prayoridad sa kalalakin-an nga magparehistro diin hatagan sila og special dates alang pag-rehistro diha sa COMELEC alang sa May 9, 2022 national ug local elections.

Karong Hunyo 21, 22 ug 23, Lunes hantod sa Miyerkules ang kalalakin-an nga moadto sa buhatan sa COMELEC maoy unahon sa pag-atiman.

“We always give tribute to special people in the community like for example we also did it with the women’s and girls sa women’s months and we also cater kato bitaw PWD, for senior citizens and the like, so basically atong gihatagan og importansiya ang lain-laing nga special sector sa atong komunidad”, sigon ni Omar Mamalinta, Election Officer.  Dugang ni Mamalinta, sa maong mga petsa kun pananglitan daghan ang magprehistro, ang kalalakin-an hatagan og priority, dili na kinahanglan magpa-appointment kay modawat sila og walk-ins kay gihatagan man sila og special tribute. Ang paghatag og special tribute sa COMELEC sa mga kalalakin-an sulod sa tulo ka adlaw magsugod gikan sa alas 8 sa buntag hantod na sa alas 5 sa hapon. (BANATNEWS)