_banat
^

COVID-19 nikatap sa construction site

Decemay P. Padilla (Banat) - June 16, 2021 - 12:00am

CEBU, Philippines — Kontrolado ra ug dili angay ikaalarma ang kalit nga pasaka sa mga bag-ong kaso sa Corona Virus Disease (COVID)-2019 sa Siyudad sa Sugbo sigon pa sa Emergency Operations Center niini.

Sa datos nga gipagawas sa Department of Health Central Visayas niadtong Lunes, Hunyo 15, ang Cebu City nakatala og 74 ka bag-ong kaso sa COVID-19.

Apan si Cebu City Councilor Joel Garganera, Deputy Chief Implementer for Inter-Agency Task Force Emergency Operations Center Cebu City mipasabot nga kining 74 ka bag-ong kaso, ang 49 niini gikan lang sa usa ka construction site diha sa Barangay Lahug.

Napositibo sila sa gihimong swab testing sa kapin 100 ka trabahante sa maong construction site human dunay trabahante nila nga nagpositibo sa anti-gen.Sa 49 nga nagpositibo, duha niini dili taga siyudad sa Sugbo.

Hinuon, nianang alas-12 sa tungang gabii niadtong Lunes nadala na tanan ang 49 sa isolation center diha sa Guadalupe.

“Amo naman gud ni gi-meet tanang construction firm nga naa na sila’y Health Infection and Prevention Officer (HIPCO) in every area nila so dali ra kaayo na-coordinate,” ni Garganera pa.

Gihangop ni Garganera ang paspas nga aksyon sa kompanyang gitrabahoan sa maong mga construction workers.

“Swift kaayo ang among pagtrabaho kay instill naman ang among protocol so mao na among giawhag sa tanan nga sa pagkakaron ang atong challenge diri sa Cebu is how to sustain the gains that we have. We are mindful with the fact nga ang atong mga kasilinganan medyo nitaas (mga kaso) gyud,” matud ni Garganera.

Gihangyo ni Garganera ang tanang construction firms sa Cebu City nga dili lugakan ang pagsunod sa health protocols diha sa ilang sites.

Samtang ang ubang nagpositibo nadiskubrehan human sila boluntaryong nagpa swab test tungod kay gikinahanglan sa trabaho ug uban pa. —IBM (BANATNEWS)

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with