2 ka magsuon nga wanted nasikop sa CIDG-7

CEBU, Philippines — Duha ka managsuon ang nasikop sa mga myembro sa Criminal Investigation and Detection group (CIDG) -7 tungod sa kasong robbery with intimidation, sa duha ka managlahing barangay sa Dakbayan sa Sugbo niadtong Domingo Hunyo 13, 2021. Giila sa kapolisan ang mga akusado nga sila si Domingo Lachia Asenjo, 45 ug Damasino Lachica Asenjo 43 nga naapil sa most wanted individual sa station level sa Lungsod sa Dalaguete.

Ang labing bag-o nga operasyon gipahigayon didto sa Sitio ISKP, Sambag II, Cebu City mga ala una sa hapon susama nga adlaw diin miresulta sa pagkasikop ni Damasino, ikatulo nga most most wanted individual. Si Domingo naa sa ika-upat sa most wanted list nadakpan sa Sitio Bato, Barangay Ermita, Cebu City. 

Ang warrant of arrest sa managsuon giisyu ni Honorable Darren Damoan sa Regional Trial Court-7 Branch 26, sa Argao Cebu niadtong Nobyembre 16 sa miaging tuig.  Ang ilang kaso nga robbery with intimidation dunay pyansa nga 100,000 pesos.

Gibutyag sa hepe sa CIDG-7 nga si Police Colonel Ireneo Dalogdog, nga sa ilang gihimong duha ka operasyon nakig-alayon usab sila sa ubang mga law enforcement agency.

Dugang pa ni Dalogdog nga nahiuyon usab kini sa ilang kampanya nga nagtumong sa pagsikop sa tanan nga mga wanted individuals.

“Sa ngayon marami pa tayong mga most wanted person na dapat nating mahuli,itong kasamahan natin dito sa CIDG ay patuloy na nagtatrabaho,” suma pa ni Dalogdog. /MEL (BANATNEWS)