Nagduwa sa iyang kinatawo gidakop

CEBU, Philippines — Nagtingkagol sa prisohan ang usa ka 26 anyos nga lalaki, human kini gireklamo nga nagmaniobra sa iyang “pikoy”, atubangan sa usa ka ginang diha sa may Barangay Poblacion, Lungsod sa Austurias.

Ang nasikop tagoon lang sa pangalan nga Justin, ulitawo, lumad nga taga Sitio Colo, Barangay Pulangbato, Bogo City.

Samtang ang babaye tagoon lang sa pangalan nga Nelba, 29 anyos, minyo, cashier sa usa ka bakery ug residente sa maong lungsod. Tuyo nga gitago ning mantalaan ang pangalan sa maong sinumbong tungod kay wala kini makuhae sa iyang habig.

Ang maong dinakpan giingong nagpakita sa iyang kinatawo ug giduwaan kini atubangan sa maong ginang.

Ang kapulisan sa lungsod uban sa force multiplier nihimo ug hot pursuit operation batok sa sinumbong hinungdan nga kini nasikop, inay nga motahan sa iyang kaugalingon nisukol na hinoon kini sa mga otoridad. Tukma nga kaso nga kalapasan sa Unjust Vexation and Resistance and Disobedience to an agent of Person in Authority ang gitakda nga ipasaka batok sa dinakpan. MEL (BANATNEWS)