_banat
^
Cebu City gibahaan
Ang mga sakop sa T. Padilla Fire Volunteers ug Cebu City Disaster Risk Reduction Management Office nagdala aning dingy aron pagkuha sa mga tawong nangatanggong sa baha diha sa downtown Cebu City.
Gikan sa CCDRRMC Facebook Page

Cebu City gibahaan

Decemay P. Padilla (Banat) - June 13, 2021 - 12:00am

CEBU, Philippines — Moabot sa 13 ka insidente sa pagbaha ang  nasinati sa Siyudad sa Sugbo kagahapong adlawa, Hunyo 12, 2021 atol sa kalit nga pagbunok sa kusog nga uwan.

Base sa inisyal nga report nga gipagawas sa Cebu City Disaster Risk Reduction Management Office (CCDRRMO) dunay mga tawong gi-rescue kagahapon diha sa Forbes Bridge gumikan sa pagbaha.

Pipila sab ka kasapaan sa dakbayan ang hapit misaka na moawas ang tubig gumikan sa uwan sama sa sama sa nahitabo sa Sitio Pili sa Barangay Malubog, Kamputhaw Bridge, Rahman Bridge ug sa Mc Arthur Boulevard nga ni-awas na ang tubig gikan sa sapa.

Samtang duna say report sa CCDRMO nga dunay mga pagbaha nga nahitabo sa Sitio Riverside, Barangay Lorega, Sitio Lemonsito, Baragay Zapatera, ug White Knight Hotel sa General Maxilom Avenue.

Duna say mga kahoy nga nangatumba diha sa Sitio Sugalandia, Barangay Bacayan, Ma. Christina Road Barangay Capitol Site ug Pope John Paul Avenue, Barangay Kasambagan ning siyudad.

Na-report sab sa CCDRRMO ang insidente sa pagdahili sa yuta sa Sitio Bakilid, La Guerta, Barangay Lahug.

Subay na sa pagbunok sa kusog nga uwan, si Cebu City Councilor Jerry Guardo, Chairman sa Committee on Infrastructure misusi sa mga lugar nga maoy sagad bahaan.

Sa impormasyong iyang nakuha nga bisan og wala’y uwan sa downtown area magbaha gihapon kun kusog ang uwan sa bukid.

Ang baha nga nasinati kagahapon sa buntag resulta kadto sa kusog nga pagbunok sa uwan sa bukid.

Sa pagbisita sab niya sa T. Padilla niawas  nasab ang tubig sa sapa nga miresulta nalubog sa tubig ang pipila ka lugar sa maong dapit sama sa Sitio Bucog, Aballe, Indian ug Sokite nga niabot sa taga hawak ang baha.

“Solution? Expedite sa DPWH ang ilang flood control project, naa man continuation budget katong gi mention nako nga P50 million so if they can expedite that matrabaho dayon,” sigon ni Guardo.— IBM (BANATNEWS)

CEBU CITY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with