_banat
^

Banat Balita

Kapin 100 ka grupo mipetisyon batok sa waste to energy bill

Caecent No-ot Magsumbol - Banat

CEBU, Philippines — Kapin sa 100 ka civil society groups, informal waste workers associations, faith-based institutions, trade unions, academe ug community-based organizations ang mipadayag og pagsupak sa Waste to Energy Incineration Bill.

Gipanawagan sa grupo ang pag-withdraw sa Senate Bill No. 1789, nga naila nga “Waste-to-Energy Act” nga gipangamahanan ni Senator Sherwin Gatchalian.

Sa ilang suwat nga gipadangat ngadto sa senado nga gipirmahan sa kapin sa 100 ka  orgnisasyon sila mipadayag sa ilang kabalaka sa dili maayong epekto sa  Waste-to-Energy (“WtE”) technologies ngadto sa panglawas sa katawhan ingon man sa kinaiyahan.

Lakip sa mipirma sa maong petisyon mao ang Action for Nurturing Children and Environment Inc, Bukluran ng Manggagawang Pilipino-Cebu,Communities for Alternative Food Ecosystems Initiative-Cebu City, Freedom From Debt Coalition-Cebu, Gagmayng Kristohanong Katilingban Homeowners Association, Kongreso ng Pagkakaisa ng mga Maralita ng Lungsod-Cebu Krusada sa Kalikasan, Ligdung Sumbanan alang sa mga Kabataan sa Sugbo, Philippine Earth Justice Center, Philippine Movement for Climate Justice-Cebu, Regional Center of Epertise-Cebu and Sanlakas-Cebu.

Suma pa ni Atty. Gob Alimangohan sa EcoWaste Coalition, nga ang pagtugot sa WtE incineration makahatag og babag sa nasud sa pagpangita og malungtaron nga solusyon sa pagkonserbar sa mga resources, pag-protihir sa panglawas nga dili makahatag og kadaut sa kinaiyahan.

Sa pagkakaron ang incineration gidili ubos sa Clean Air Act and Ecological Solid Waste Management Act, ug kun ugaling maaprobahan ang maong bill maghatag lang kini og pabor sa mga plastic industries ingon man sa foreign waste management.

Dinhi sa Sugbo, dunay pipila ka mga gisugyot nga proyekto nga gitinguha mapugngan sa grupo tungod kay makahatag kini ug dili maayong epekto sa katawhan. —MEL (BANATNEWS)

ENERGY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with