500 ka eskolar sa TESDA migradwar

CEBU, Philippines — Miabot sa 500 ka mga eskolar sa Technical Education and Skills Development Authority (TESDA) nga taga Dakbayan sa Talisay ang nigradawar sa nagkalain-laing kurso nga ilang gipangkuha karong tuiga.

Ang mga nigradwar nga babaye og lalaki mikuha sa kursong welding, health and wellness, barangay health services, bread and pastry making, electrical installation and maintenance ug computer system services.

Ang programa ubos sa congressional allocation ni kongresista Eduardo Gullas.

Nalipay si Mayor Gerald Anthony “Samsam” Gullas sa gihimo sa iyang apohan gumikan kay daghan ang nakapahimulos sa programa.

Siya nahimuot sa nahimong kalampusan sa mga Talisaynon nga wala miusik sa kahigayonan nga makat-on sa paghimo sa mga butang nga makapalambo sa ilang kinabuhi ug pamilya.

Dugang pa ni Gullas nga naa kanunay ang iyang suporta sa kaayohan sa kinabag-an. MEL (BANATNEWS)