_banat
^
Pagbakuna gamit sa Pfizer vaccine karon
Gihimo kagahapong adlawa ang ceremonial vaccination sa Cebu City gamit ang Pfizer BioNtech Covid-19 vaccine.
Decemay Padilla

Pagbakuna gamit sa Pfizer vaccine karon

Decemay P. Padilla (Banat) - May 18, 2021 - 12:00am

CEBU, Philippines — Gipahigayon kagahapong adlawa sa dakbayan sa Sugbo ang ceremonial rollout sa Pfizer BioNTech COVID-19 vaccines nga gipasiugdahan sa Department of Health Central Visayas ingon man sa Cebu City Government.

Moabot sa 60 ka tawo ang gibakunahan diha sa bag-ong vaccination site siyudad diha University of Cebu Senior High Campus diha sa J. Alcantara Street.

Ang Cebu City gigahinan og 5,800 doses sa Pfizer vaccine alang sa first dose ug random ang pagpili sa mga makadawat sa maong bakuna. 

Giklaro ni Ibones ang makadawat ra gyud sa maong bakuna kato rang mapadad-an og text message.

Sugod pa niadtong bulan sa Pebrero gipaabot ang maong brand. Nalangan ang Pfizer BioNTech tungod wala pay napasar nga Indemnification Law nga magprotehir kanila sa tulobagon kun pananglit dunay ‘adverse effect’ ang ilang bakuna.

Apan karong napasar ang maong balaod nagpadala dayon sila sa ilang bakuna. Ang maong bakuna kabahin kini sa global vaccine sharing alliance COVAX facility nga gidumala sa World Health Organization (WHO).

Si Department of Health (DOH)-7 Regional Director Dr. Jaime Bernadas mibutyag nga target nilang humanon ang pagbakuna sa category 1, 2 ug 3 karong buwana.

Nasayran nga moabot na sa 35,000 ang nabakunahan sa siyudad sa Sugbo diin apil na niini ang sa mga tambalanan. Ang 10 mil niini mga senior citizens dul-an sa 3,000 ang with comorbidities.

Gibutyag sab ni Ibones nga kapin 100 mil na ang nagparehistro sa online registration sa gustong magbapakuna. Sa pikas bahin, padayon ang pagus-os sa gidaghanon sa aktibong kaso sa sa Sugbu sumala pa sa DOH-7.

Sa Ceby City, ang aktibong kaso 536 na lang human dunay 30 ka pasyente ang nangaayo na ug 22 sab ang nadugang nga bag-ong kaso. Ang Mandaue City nakatala sab og 8 ka bag-ong kaso ug 10 ang dugang nangaayo. Sa datos sa DOH-7, ang Central Visayas dunay 58,799 total cases sa COVID-19; 3,458 ang active cases; 53,299 ang recoveries ug 2,042 ang deaths.— IBM (BANATNEWS)

PFIZER
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with