Kaso batok sa bakwit school -7 gibasura

CEBU, Philippines — Gihangop sa National Union of People’s Lawyer Cebu Chapter sa pagbasura sa tanang kasong kriminal nga gipasaka batok sa pito ka mga Lumad nga gipasanginlang midagit sa mga batang Lumad gikan sa Mindanao nga gidala dinhi sa Sugbu.

Ang mga gikasohan mao silang Chad Errol Booc, Segundo Melong, Benito Dalim Bay-ao, Moddie Mansimoy-at, Esmelito Oribawan, Roshelle Mae Porcadilla ug Jomar Benag.

Tulo ka mga kaso ang gipasaka batok kanila nga naglangkob sa Child Abuse Law, Anti-Trafficking in Persons Act, and kidnapping ug serious illegal detention.

Matud pa ni Atty. King Anthony Perez, Atty. Tigpamaba sa National Union of People’s Lawyers (NUPL) Cebu, tanan mga respondents gawas ni Porcadilla, mga kliyente sa NUPL Cebu ug Visayas Community Law Center.

Sumala pa ni  Perez, sa resolusyon nga pinetsahan May 5, 2021 nga giaprobahan ni  Provincial Prosecutor Norman Solis,sa Office of the Provincial Prosecutor (OPP) sa Davao Del Norte “dismissed all the complaints for being outside the territorial jurisdiction of the OPP Davao Del Norte, insufficiency of evidence, and lack of probable cause to support any of the crimes allegedly committed by the respondents.”

Gitug-an ni Perez, pinaagi sa maong resolusyon gimanduan ang kapulisan o otoridad nga nikostudiya sa pito nga sila pabuhian.

Advertising
Scroll to continue

Sa pagsulat ning balita, ang mga abogado pito nagpaabot nalang sa ilang release papers aron sila hingpit nang gawasnon human kasamtangan nga gi detained sa Cebu City Police Office.

Ang pito gidakop niadtong bulan sa Pebrero diha sa Bakwit School sa suds a University of San Carlos –Talamban Campus sa Cebu City.

Ang kapolisan mipasangil nga ang Bakwit School takoban lamang sa mga komunistang New People’s Army aron mang-recruit og mga batang himuong rebelde.

Apan kini kusganong gihimakak sa mga nag-organisar niini. —IBM (BANATNEWS)

Show comments