_banat
^

Dugang 20 vaccination sites ang gikinahanglan

Decemay Padilla (Banat) - May 14, 2021 - 12:00am

CEBU, Philippines — Nagtinguha ang Cebu City Health Department nga mapun-an pa ang mga vaccination sites sa dakbayan aron mas daghan ang maserbisyohan sa pagpamakuna kontra Covid-19 kun magsugod na ang siyudad sa mass vaccination niini.

Si Dr. Jeffrey Ibones, pangulo sa CCHD ug miyembro sa Vaccine Advisory Board miingon nga gusto nilang mag-abli og dugang 20 ka vaccination sites alang sa maong ginbuhaton.

Pagkakaron giuna pa kadtong mga anaa sa priority list gikan sa A1 (senior citizens) hangtod sa A3 (dunay comorbidities) diha sa tulo ka vaccination sites nga gibuksan sa siyudad.

Limitado pa karon ang ilang nabakunahan ug mabakunahan pa tungod nag-agad lang sila sa mga bakunang nangabot ug gihatag sa Department of Health.

Karong nagsige na og pangabot-abot ang mga nagkalain-laing brand sa mga bakuna gikan sa Covax sa World Health Organization gipaabot nga mas mapadali ang pagpamakuna sa tanang naa sa listahan sa prayoridad.

Hinoon gitataw ni Dr. Ibones nga kun makita sa siyudad nga kinahanglanon ang vaccination site andam ug tagana ang siyudad nga mag-abli apan gihimug-atan ni Ibones importante gyud ang manpower hinungdan nga nakig-alayon sila sa Cebu Medical Society ug ubang mga tambalanan.

“Mao na atong SM Seaside nagpatabang ta ana sa Perpetual Succour Hospistal and other hospitals nihatag sila sa ilahang mga Doctors, ang CCMC, ang St. Vincent nga very supportive gyud kaayo si Atty. Go nato, ang Cebu Medical Society ug uban pang mga NGO pud nitabang nato. Ang AMRO, ang ERUF nitabang pud na sila like sa ilahang mga ambulance,” ni Ibones pa.

Una nang gipasaligan ni vaccine czar Carlito Galvez Jr. nga usa ang Cebu City sa prayoridad sa mga mangabot nga bakuna sa mosunod nga mga adlaw.

`Target sa gobiyerno nga pangusgan ang pagpamakuna diha sa mga lugar nga dako og populasyon ug dunay daghang kaso sama sa Cebu City ug pagka-economic hub niini.

Sa pagkakaron, 586 na lang ang aktibong mga kaso sa Covid-19 sa siyudad base sa datos nga gipagawas sa DOH-7.

Kini human ang siyudad nakatala og 43 ka bag-ong kaso sa COVID-19 ug 59 ang dugang nangaayo ug duha ang dugang nakalas.

Ang Mandaue City sa ilang bahin nakatala og 20 ka bag-ong kaso, ang siyudad karon duna nay 6,468 ka total cases sa COVID-19 ug naa sa 255 ang aktibong kaso samtang 26 ang nadugang sa mga nangaayo ug dunay usa nga namatay.

Samtang ang Lapu-Lapu dunay 6,300 total cases sa COVID-19 ug naa sa 416 ang active cases sa Lapu-Lapu City. Ang recoveries sa dakbayan naa sa 5,718 ug naa sa 166 ang deaths.

Sa pikas bahin, ang Dakbayan sa Talisay duna nalay 29 ka aktibong kaso base sa talaan nga nigawas niadtong Mayo 11 ning tuiga.

Ning bag-o, usa lang ang nigawas nga positibo samtang 10 ang nakarekuber.  Gikan siya sa Barangay Lawaan 2 nga nagpangidaron og 22 anyos nga gipaubos sa swab test kay molarga.

Walo ka barangay na sa dakbayan ang Covid-free.— Gabriel Bonjoc/IBM (BANATNEWS)

COVID-19 VACCINE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with