8 ka durigista sikop; nigradwar sa rehab program i-monitor

Ang mga nasikop mao sila sii Christopher Balaba, 43, subject ug drug den maintainer; Margarito Margaha, 46, porter; Reynaldo Boldero Jr, 33, construction painter; Rezon Roble, 19, pedicab driver; Wilkeans Natural, 18, porter; Armando Cabatuan, 45, maintenance worker ug Dondon Nacario, 43, security guard.
STAR/File

CEBU, Philippines — Pito ka suspetsadong durugista ang nasikop atol sa operasyon sa Philippine Drug Enforcement Agenc-7 ug Mambaling Police Station diha sa Sitio Lawis Alaska, Barangay Mambaling, Dakbayan sa Sugbo niadtong Miyerkules sa gabii.

Ang mga nasikop mao sila sii Christopher Balaba, 43, subject ug drug den maintainer; Margarito Margaha, 46, porter; Reynaldo Boldero Jr, 33, construction painter; Rezon Roble, 19, pedicab driver; Wilkeans Natural, 18, porter; Armando Cabatuan, 45, maintenance worker ug Dondon Nacario, 43, security guard.

Nasakmit gikan sa mga suspetsado ang 25 ka putos nga shabu nga nitimbang og 22 gramos ug nibalor tanan ngadto sa P150 mil, buy bust money, plastic nga gisudlan sa shabu ug mga kagamitan sa pagsuyop.

Matud ni Leia Albiar-Alcantara, tigpamaba sa PDEA-7 nga ang subject makabaligya kini og 50 gramos nga shabu matag semana.

Samtang sa Dakbayan sa Talisay nasikop si Mary May Capa, 33, diha sa ilang balay sa Barangay Mohon sa maong siyudad niadtong Miyerkules sa hapon. gutang lugar. Nasakmit sa mga polis gikan sa kang Capa ang 20.75 gramos nga shabu nga nikantidad tanan ngadto sa P136 mil.

Sa laing bahin, laing hugna sa drug surrendrees nga nipaubos sa Community-Based Drug Rehab Program sa Cebu City Office for Substance Abuse Prevention (COSAP) ang nigradwar na.

Advertising
Scroll to continue

Matud sa hepe sa COSAP Jonah John Rodriguez nga bisan nigradwar na sila ipaubos gihapon kini og monitoring aron masuta kong hingpit na sila nga nag-usab.

Kapin na sa 300 ang nigradwar karong tuiga sa maong programa nga naggikan sa lain-laing barangay.

Nasayran nga sa pagkakaron kapin na sa 3,000 ang nipa-enrol sa rehab program sa siyudad ug aduna 19 ang nigradwar sa rehab program kagahapon sa Barangay Ermita. —Gabriel C. Bonjoc, Sanden J. Anadia/BDB (BANATNEWS)

Show comments