Probinsiya sa Sugbo mas gipaloagan ang protocol
CEBU, Philippines — Giaprobahan na sa hunta probinsiyal ang ordinansa alang sa mas loag nga protocol sa mga lokal ug international nga pagbiyahe sa mga Pilipino.
Alang sa mga Authorized Person Outside of Residence (APOR) ug non-APOR nga mosulod sa probinsiya dili na kinahanglan pa nga ipaubos sa kwaratina.
Sa mga APOR dili na i-required pa og mandatory testing, kinahanglan ra nga adunay valid ID, certified true copy sa travel authority nga giisyu sa sa department secretary sa iyang designated official ug makapasar sa symptoms checking sa mga port of arrival ug port of departure.
Alang sa mga non-APOR kinahanglan ra og valid medical certificate ug makapasar sa symptoms checking.
Samtnag sa OFWs ug non-OFWs, dili na usab ikwarantina pa sulod sa 10 ka adlaw kinahanglang nila nga mopaubos og RT-PCR test inig abot sa airport o diha sa Mactan Cebu Interntaional Airport (MCIA).
Samtang naghulat sa resulta sa test adto temporaryong mag-estar sa gi-pre-booked nga hotel o accommodation establishment.
Ug kon negatibo ang resulta deretso na nga makauli apan kon positibo ang resulta, masunod ang DOH protocols alang sa mga COVID-19 positive.
Ang maong ordinansa gipangamahan kini ni Bokal John Ismael Borgonia ug gi-certify kini nga “urgent” ni Gobernador Gwendolyn Garcia. BDB (BANATNEWS)
- Latest
