_banat
^
120 balay naugdaw atol sa motherâs day
Gihakot sa mga residente ang ilang mga gamit human nagkadako ang kalayo diha sa sitio Seaside sa Barangay Basak San Nicolas sa Cebu City kagahapon.
Aldo Nelbert Banaynal

120 balay naugdaw atol sa mother’s day

Rowena D. Capistrano (Banat) - May 10, 2021 - 12:00am

CEBU, Philippines — Usa ka masulob-ong adlaw sa mga inahang residente sa Barangay Basak San Nicolas sa Cebu City human duha ka sunog ang niulbo sa ilang barangay atol sa Mother’s Day, adlaw nga Domingo.

Unang niulbo ang sunog sa Sitio Caimito alas 6:41 sa buntag nga giingong nagsugod sa panimalay sa usa ka Aurora Malig-on nga niresulta sa pagkaugdaw sa hingpit sa upat ka balay ug laing tulo ang nakan-an sa kalayo.

Ang sunog nagbilin og gibanabang P700 mil nga danyos.

Paglabay og lima ka oras, gitubag kini og laing sunog diha sa Sitio Seaside Alumnos sa mao gihapong barangay alas-12:50  ug ning tungora mas daghang sikit-sikit nga balay ang naugdaw.

Ang sunog giingong nagsugod sa panimalay nila Teodomero Echevaria ug mga igsuon niini ug daling nitapon sa mga kasikit nga panimalay nga nilanat og kapin duha ka oras nga kombate sa mga bombero. Pipila sa mga residente ang nidangop sa kadagatan aron paglikay sa kalayo human ang sunog naabot na duol sa baybayon.

Matud pa ni Fire Officer 2 Fulbert Navarro, Fire Investigator, ilaha pa sutaon kung asa gyud sa balay sa mga Echevaria tungod kay nagtudlo-tudlo na ang managsuon kung diin kini nagsugod.

Gibana-bana nilang usa ka gatus ka mga panimalay ang naugdaw apan gipaabot nilang mas daghan ang aktwal nga naugdaw kun maberipika na sa Department Of Social Welfare and Services. Ang mga biktima sa sunog nipasilong karon sa Alumnos Gym kung diin usab ihatud sa siyudad ang dinaliang tabang.

Gibana-bana nga moabot ngadto sa P1.2 milyon ang danyos sa maong sunog diin wala hinooy gikataho nga naangol o nakalas sa maong sunog.

Si Andresa Echevaria, niklaro usab nga dili gikan sa ilang balay ang sunog ug base sa nakita sa anak niini giingong didto sa atop sa panimalay ni Teodemero diin ang kuryente nagsiga-siga. Nangayo og pasaylo si Andresa sa mga parehas niya nga nabiktima sa sunog tungod  kay wala man gituyo ang maong trahedya.

Si Cebu City Fire Marshall Josephus Alburo naglisod gyud sila kay hagip-ot ang lugar ug daghan ang mga tawo.  Human sa sunog sa Basak San Nicolas laing sunog ang niulbo sa may Sunrise Village sa Pardo apan napawong dayon kini. —IBM (BANATNEWS)

FIRE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with