_banat
^
Tapul puy-an og polis aron mamentinar nga drug cleared
Ang Barangay Tapul maoy pinakauna nga barangay sa Talisay nga nakapasar sa mga rekisitos sa PDEA pagdeklara nga drug cleared.
STAR/ File

Tapul puy-an og polis aron mamentinar nga drug cleared

Gabriel C. Bonjoc (Banat) - May 8, 2021 - 12:00am

Cebu, Philippines — Siguradohon sa kapolisan sa Dakbayan sa Talisay nga magpabilin nga limpiyo sa ginadiling drugas ang Barangay Tapul. Ang Barangay Tapul sa Dakbayan sa Talisay giila kini sa Philipopine Drug Enforcement Agency (PDEA) nga drug cleared barangay.

Ang Barangay Tapul maoy pinakauna nga barangay sa Talisay nga nakapasar sa mga rekisitos sa PDEA pagdeklara nga drug cleared.

Si Police Lieutenant Colonel Gerard Ace Pelare, hepe sa Talisay City Police Station nagkanayon nga siyam ka residente sa Tapul ang ilang ipaubos sa seminar ug training diin sila ang himuong “Tapul Defenders”.

Sama sa Barangay Tanke, sila ang mahimong kaabag sa kapolisan sa pagmentinar sa kahapsay ug kalinaw ingon man pag-monitor sa mga ilegalista sa ilang barangay.

Matud ni Pelare nga puy-an nila ang Tapul aron isiguro nga naa gyud ang ilang suporta sa kumnidad aron pabilin kini sa iyang titulo nga drug cleared barangay.

Sa niaging adlaw, si Mayor Gerald Anthony “Samsam” Gullas Jr. ug mga sakop sa konseho sa siyudad nibisita sa lugar ug nihatag og pasidungog sa opisyales niini pinangulohan ni Kapitan Mary Ann Nolasco ug sa mga drug surrenderees nga nahimong instrumento sa kalamposan.

Sa laing bahin, duha ka suspetsadong durugista ang nasikop atol sa gipahigayong buy bust sa kapolisan sa Labangon Police Station kagahapon pinangulohan ni Police Lieutenant Joel Dela Cerna.

Ang mga nasikop mao sila si Loreto Nabua, alyas “alet”, 49, minyo, taga Barangay Calamba kinsa nasakmitan og napulo ka gagmay’ng pakete nga shabu ug buy bust money ug Jacinto Del Mar, 24, taga Barangay Capitol Site kinsa nasakmitan og 11 ka putos nga shabu ug buy bust money. -  Rowena D. Capistrano (BANAT NEWS)

PDEA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with