Mga bus nibalik na sa orihinal nga rota

Cebu, Philippines — Gibutyag ni Cebu City Councilor James Cuenco nga pipila na ka bus units ang nihunong sa pagbiyahe sa Cebu City tungod kay hinay-hinay na kini nga namalik  og dagan sa orihinal nila nga mga rota didto sa probinsiya.  Ang mga bus gipabiyahe kini sa siyudad sukad sa niaging tuig human wala gipabiyahe ang nga tradisyonal nga PUJ. Nagkanayon si Cuenco nga nakita niya nga nisamot pagbaha ang commuter ug kulang kaayo ang ilang kasakyan.

Giingong ubay-ubay na nga mga bus ang namalik na sa probinsiya. bGibutyag ni Cuenco nga matag semana siya nga nag-follow up sa iyang rekomendasyon alang sa pagbukas og balik sa tanang rota. “I will not stop trying. I will keep trying for the sake of the commuters and jeepney drivers”, matud si Cuenco.

Samtang si Cebu City Mayor Edgardo Labella nitataw nga uyon siya nga buksan ang tanang rota apan dili pa niya matino ang tukmang petsa tungod kay nagpadayon pa ang pag-formulate og guidelines aron masiguro nga mapatuman gyud ang health protocols aron malikayan ang pagkuyanap sa COVID-19. (BANAT NEWS)