_banat
^

5-anyos nalumos samtang naligo sa dagat

Rowena D. Capistrano (Banat) - May 8, 2021 - 12:00am

Cebu, Philippines — Nalumos ang usa ka 5-anyos nga batang lalaki samtang naligo niadtong Huwebes sa gabii diha sa beach resort sa Barangay Langtad, Dakbayan sa Naga.

Base sa initial nga imbestigasyon sa kapolisan sa siyudad giingong nananghid ang maong bata sa iyang mga ginikanan nga mobalik usa sa dagat aron maligo samtang dili pa sila mouli.

Ug dihang padulong na nga mouli ang pamilya nabatyagan nga nawala ang bata hinungdan nga nangayo sila og pakitabang sa ilang mga kauban ug sa security guard.

Dali nga gipangita ang bata ug nakit-an kini diha duol sa gikaligoan niini.

Ang batag gidala dayon diha sa Vicente Mendiola Center for Health Infirmary apan gideklara kini nga patay na nga naabot sa maong tambalanan.

DAKBAYAN
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with