_banat
^

Duha ka buhatan sa gobiyerno gikawatan

Rowena D. Capistrano (Banat) - May 6, 2021 - 12:00am

Cebu, Philippines — Padayon ang gihimo karong imbestigasyon sa kapolisan sa Lungsod sa Sogod sa giingong nawala nga kwarta sa treasurer’s office sa lungsod niadtong Martes.

Si Police Lieutenant Warlito Tuñacao, hepe sa Sogod Police Station nagkanayon nga gipalawman nila ang imbestigasyon sa maong hitabo.

Gibana-banang kapin sa P30 mil ang kwarta nga diha sulod sa cabinet sa treasurer’s office.

Matud ni Tuñacao nga walay guba sa pultahan sa buhatan lakip na usab ang cabinet nga gibutangan sa kwarta ug aduna na sila’y person of interest.

Giingong ang nawala nga kwarta alang kadto sa allowance sa mga scholar sa lungsod. Gisusi usab sa kapolisan ang footage sa Close Circuit Television (CCTV) camera diha sa lugar. Samtang ang buhatan sa Public Information Office sa Kapitolyo nabiktima usab sa pagpanglungkab kagahapon.

Base sa report sa Fuente Police Station, lima ka empleyado ang nawad-an og gamit apil na niini ang ubang kahimanan sa opisina sama sa SD cards, laptops, external drive, iphone, iPad mini, upat ka flash drive ug uban pa.

Wala pa masuta ang kinatibuk-ang kantidad sa tanang gamit nga nadala sa kawatan kinsa giingong niagi diha sa bintana sa maong buhatan.

Nasayran nga pasado alas 7:00 sa buntag nabantayan sa mga empleyado ang nabuak nga glass window sa ikaduhang andana sa opisina ug nangawala na ang nahisgotang mga butang. Ang maong hitabo ikaduha na kini ka higayon sukad sa niaging tuig.

Giingong Agosto 2020 dihang gikawatan usab ang Provincial Accounting Office sa wala mailhing kawatan nga niagi diha sa Provincial Social Welfare and Development Office diin nikabat ngadto sa P16,000 ang kantidad sa kwarta nga nadala sa kawatan. — Le Phyllis F. Antojado (BANAT NEWS)

PADAYON
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with