_banat
^
Cebu City nagsugod na og pamakuna sa A3 category
Ang Dakbayan sa Mandaue aduna kini 6,389 ka kinatibuk-ang kaso lakip niini ang unom nga ulahing nadugang ug nikabat na ngadto sa 352 ang active cases sa siyudad; 5,828 nga kinatibuk-ang recoveries lakip niini ang 57 nga nadugang ug 209 ang gidaghanon sa nangamatay.
Philstar.com/Deejae Dumlao

Cebu City nagsugod na og pamakuna sa A3 category

Decemay P. Padilla (Banat) - May 6, 2021 - 12:00am

CEBU , Philippines —  Ang Dakbayan sa Sugbo nakatala lang kini og 46 ka bag-ong kaso sa COVID-19 base sa datos nga gipagawas sa Department of Health-7 sa nilabay’ng Martes.  Ang siyudad aduna kini karon 23,570 nga kinatibuk-ang kaso ug 866 niini ang active cases;  21,857 ang gidaghanon sa recoveries lakip niini ang19 ka nadugang ug 847 ang gidaghanon sa nangamatay lakip niini ang 14 nga ulahing nadugang.

Ang Dakbayan sa Mandaue aduna kini 6,389  ka kinatibuk-ang kaso lakip niini ang unom nga ulahing nadugang ug nikabat na ngadto sa 352 ang active cases sa siyudad;  5,828 nga kinatibuk-ang recoveries lakip niini ang 57 nga nadugang ug 209 ang gidaghanon sa nangamatay.

Ang Dakbayan sa Lapu-Lapu aduna kini 6,251 ka kinatibuk-ang kaso lakip niini ang 16 nga nadugang; 556 niini ang active cases; 5,531 ang recoveries sa siyudad ug 164 ang gidaghanon sa nangamatay lakip niini ang duha nga ulahing nadugang.

Base usab sa datos sa DOH-7 ang Central Visayas adunay 56,766  ka kinatibuk-ang kaso; 3,981 ang active cases; 50,820 ang recoveries ug 1,965 ang nangamatay.

Sa laing bain usab, gisugdan na sa Dakbayan sa Sugbo ang pagpamakuna alang sa nalakip sa A3 category o persons with comorbidities. Mao kini ang mga tawo nga adunay balatian sama sa respiratory disease, cardiovascular disease, neurologic disease, chronic kidney disease, diabetes, obesity ug chronic liver disease.

Matud ni Dr. Jeffrey Ibones, officer-in-charge sa Cebu City Health Department nga kapin sa 31,000 ang nagpa-register online sa A3 category.

Ang mga nagparehistro sa A3 kinahanglan lang nga maghuwat og text message alang sa ilang schedule. Ug atol sa ilang turno sa pagpabakuna  magdala lang kini og prescription o medical certificate nga nagpamatuod nga aduna sila’y balatian ug magdala usab og identification card (ID) ug kaugalingong  ball pen.

Subay niini, gisugdan na usab kagahapon ang pagpamakuna sa second dose sa  first batch sa A1 priority group o medical frontliners nga unang gibakunahan niadtong buwan sa Marso.

Niabot ngadto sa 106 ka indbidwal ang naturokan alang sa unang hugna sa second dose ug matud ni Ibones nga wala kini nakasinati og grabeng reaksiyon o severe allergies. Nasayran nga 8,000 ka senior citizens ug 20,000 ka medical workers ang nabakunahan na sa Siyudad sa Sugbo.

Si Kapitan Ernie Manatad sa Barangay Subangdaku, Dakbayan sa Mandaue kinsa chairman sa City's COVID-19 vaccine board  nagkanayon nga 320 ka senior citizen ug napulo ka medical frontliners ang nabakunahan niadtong Martes sa unang dose sa Sinovac vaccine nunot sa pagbalik sa vaccination sa Dakbayan sa Mandaue.

Matud ni Manatad nga ang first vaccination sa senior citizens sa siyudad kutob lang sa karong Abril 26, 2021. Nasayran nga 1,080 ka senior citizens sa siyudad ang nabakunahan sa unang roll-out nga gipahigayon.

Ang siyudad nakadawat kini og 1,600 doses nga Sinovac vaccine gikan sa DOH-7 niadtong Abril 30, 2021.

Si Dr. Debra Maria Catulong, medical  officer III sa City Health Office (CHO) nibutyag nga ang 1,000 doses  nga vaccine maoy gihatag nga unang dose sa uban pa nga senior citizens sa siyudad samtang ang 600 doses niini alang usab sa ikaduhang  dose sa  medical workers. — Sanden J. Anadia ug Romeo T. Limpangog (BANAT NEWS)

DAKBAYAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with