10 sikop sa managlahing buy-bust operation
Cebu, Philippines — Mokabat sa 6 ka mga tawo ang nasikop sa kapolisan sa Dakbayan sa Talisay sa ilang sunod sunod nga operasyon kagahapon.
Ang mga nadakpan naila nga sila si Jacob Mariquit, 18 anyos taga Sunrise Village, Barangay Pardo, Siyudad sa Sugbo, Ivin Sam Colleen Gonzales, 22 anyos, usa ka call center agent. Nakuha gikan kanila ang drugas nga nitimbang og 1.05 gramo nga nibalor og P7, 140.
Laing nadakpan mao sila si Joseph Ornopia, 40 anyos, Flor Joseph Lastimado, 36 anyos; Mark Tenet Maglente, 25 anyos ug si Ronald Jake Busbus, 24 anyos.
Miabot sa 17 ka gagmay nga pakete sa shabu ang nakuha gikan kanila.
Samtang laing 2 ka pusher ang nasikop sa buy-bust operation diha sa may Alaska, Barangay Mambaling, Dakbayan sa Sugbo. Ang nadakpan mao sila si Gener Carlo Servado, 22anyos, taga Sitio Alaska Centro ug Martiniano Nollora 32 anyos.
Nasakmit gikan kanila ang 17 gramos sa gituohang shabu nga mobalor ug dul-an sa P116mil ug buy bust money.
Nasikop usab ang 2 ka pusher og shabu sa buy bust operation sa kapolisan diha sa Barangay Tayud, Lungsod sa Consolacion Martes sa gabii.
Ang duha nga nadakpan giila nga sila si Johnwien Pat Abendan alyas Balong, 37 anyos ug Nixon Sulis Legaspi, 59 anyos, minyo nga pulos nagpuyo sa Barangay Lahug sa Dakbayan sa Sugbo.
Nasakmit gikan sa duha ka dinakpan mao ang duha ka gramo nga shabu nga nagkantidad og P13, 600, ug P3, 500 nga boodle money.
Nangu sa operasyon mao si Police Lieutenant Colonel Jeorge Francis Rodrin sa Provincial Intelligence Unit (PIU) ug Provincial Drug Enforcement Unit (PDEU) sa Cebu Provincial Police Office. — Rowena D. Capistrano, Romeo Limpangog (BANAT NEWS)
- Latest