^

Liquor ban sa Cebu City libkason

Sanden J. Anadia (Banat) - May 5, 2021 - 12:00am

Cebu, Philippines — Gianunsyo kagahapon ni Cebu City Mayor Edgardo Labella nga iya na nga libkason ang liquor ban dinhi sa siyudad sugod karong Biyernes. Gikatakdang mopagawas si Labella og executive order kalabot niini aron maplastada ang guidelines. Ang mayor mipahimangno nga kinahanglan gyud tumanon sa mga establisamento ang mga nalatid nga guidelines kung dili sila buot masilotan.

Sa nangagi nga  kamandoan, ang pinalit  nga mya ilimnon kay sa balay ra gyud puwede imnon, apan sa paglibkas na niini sa umaabot nga adlaw, mahimo nga mag-inom sa mga kan-anan apan duha ra gyud ka serving matag kustomer ang tugotan.

Nagkanayon ang mayor nga taud-taod na nga nihangyo ang mga negosyante kalabot niini tungod kay usa kini sa mga pamaagi sa anam-anam nga pagbangon sa ekonomiya.

“Naa ta’y  favorable recommendations from the EOC  ug sa atong City Health officials ingon man usab request from the Cebu Chamber of Commerce and Industry (CCCI) to help revive our economy, especially our restaurants,” nagkanayon si Labella. Matud pa ni Labella nga tangtangan og business permit ang mga establisamentong makalapas sa guidelines.

Hugot gihapon ang implimentasyon sa health protocols bisan pa sa paglibkas sa ban ug dunay molibot nga mga marshals sa mga establisamento aron pagsigurong nituman sila sa kamandoan.

“Mao kini ang  task sa atong marshals. Mo-roving sila ug mo-check kun napatuman ba ang health protocols . Kun masuta nga naka-violate sa protocols ang establishments, ato silang  warningan, ug kun dili gyud mopatoo, tangtangan nato sila og business permits,” pasidaan ni Labella.

Sa datos nga gipagawas sa Department of Health Central Visayas niadtong Mayo 3, 2021 nakatala lamang ang siyudad og 9 siyam ka bag-ong kaso sa Covid-19.

Mao kini ang labing ubos nga bag-ong kaso nga natala sa siyudad ning tuiga.

Ang Cebu City karon dunay 23,496 total cases sa COVID-19 ug naa sa 819 ang active cases. Niabot  na og 21,842 recoveries ang siyudad human nakatala og 48 ka dugang nangaayo nianang adlawa.

Sa mga nanglabay mga adlaw padayon nga mikunhod ang kaso sa COVID-19 sa siyudad apan si Labella mipasidaan nga wala kini magpasabot nga mahimo ng mokompiyansa.

Matud niya mas labing gikinahanglan hinuon nga magmatngon ang tanan tungod kay naa pa ang virus.— Decemay P. Padilla ( BANAT NEWS)

EDGARDO LABELLA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with