^

Garcia pabor sa awhag ni Chan; Turismo sa San Francisco nibalik na

Le Phyllis F. Antojado (Banat) - May 5, 2021 - 12:00am

Cebu, Philippines — Pabor si Gobernador Gwendolyn Garcia sa Probinsiya sa Sugbo sa pag-awhag ni Mayor Junard “Ahong” Chan nga pasudlon og balik ang mga langyaw nga nabakunahan na batok sa COVID-19.

Si Chan niapelar kini sa Inter-Agency Task Force for the Management of Emerging Infectious Diseases (IATF) nga itugot ang pagpasulod sa mga langyaw nga turista kon kini makapresentar og kamatuoran nga nakakumpleto na sa COVID-19 vaccine ug negative swab test.

Si Garcia nagkanayon nga sa wala pa ang pandemiya kasagaran sa mga bisita mga langyaw gikan sa Korea, China ug Japan.

Ug andam siya nga makighinabi kang Chan aron hisgotan ang maong katuyoan.

Matud ni Garcia nga ubos sa kasamtangang protocol sa probinsiya  ang mga Overseas Filipino Workers ug Returning Overseas Filipinos (ROF) ipaubos sa swab test ug ipa-transient usa sa dili pa mogawas ang resulta.

“Why can’t we do the same for other countries that have also been able to manage their COVID cases?”, ni Garcia pa.

Sa laing bahin, human sa sobra sa usa ka tuig nga nahunong ang turismo tungod sa pandemiya nabalik-balik na og sugod ang kalihokan sa turismo sa Lungsod sa San Francisco, Isla sa Camotes.

Matud ni Mayor Alfredo “Al” Arquillano nga ubay-ubay na nga mga turista ang nibisita sa ilang lungsod hilabina sa weekend.

Niloag na sa restrictions ang lungsod kon diin matud ni Arquillano nga ang kinahanglan ra sa mga bisita nga adunay ID ug kanunay’ng mosunod sa health protocols.

Ang San Francisco maoy usa sa adunay daghang kasuroyan sama sa Lake Danao ug Santiago Bay.

Matud usab ni Arquillano nga ang lungsod gipalibotan kini og white sand apan daghan pa ang wala ma-develop.

Sa pagkakaron nakabawi na ang lungsod sa nawala nilang kita sa tourism sector tungod sa pandemiya.

Ang mga nahunong sa trabaho tungod kay napugos sa pagsirado ang operasyon sa mga hotel ug resorts ug ubang tourism establishment ang nagsugod na og balik sa ilang trabaho. (BANAT NEWS)

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with