^

20 ka nurses gipadala sa DOH ngadto sa CHD

Sanden J. Anadia (Banat) - May 5, 2021 - 12:00am

Cebu, Philippines — Gibutyag ni Dr. Jeffrey Ibones, officer-in-charge sa Cebu City Health Department nga nagpadala og 20 ka nurses ang Department of Health-7 isip dugang manpower sa COVID19 vaccination sites sa Cebu City.

Matud ni Ibones nga dako kini og tabang tungod kay dili igo ang gidaghanon sa mga personnel sa City Health Department unya tulo na ang vaccination sites sa siyudad.

Gawas sa nurses sa DOH nagpadala usab og dugang manpower ang pipila ka orgnisasyon sa mga doktor ingon man ang mga pribadong tambalanan.

Nagkanayon si Ibones nga andam gihapon sila nga modawat og dugang volunteers gikan sa private institutions ug gikatakda usab nga magdugang og mga doktor ang kagamhanan sa Siyudad sa Sugbo ilabi na kong madugangan na usab og vaccination sites.

Sa pagka-karon adunay 38 ka personnel ang city health ug lakip niini ang job orders.

Nasayran nga ang ubang mga doktor sa city health nag-atiman usab kini sa health centers sa kabaranggayan aron masiguro nga diili maapektohan ang uban nilang programa.

Kasamtangang gigamit sa siyudad ang tulo ka vaccination sites nga naglangkub sa Robinsons Galleria, University of Cebu (UC) -Banilad ug SM Seaside City.

Samtang si Konsehal Dave Tumulak nagkanayon nga usa sa requirements sa pagpangita og laing vaccination site kinahanglang accessible kini sa transportation ingon man sa mga bakunahan ug kinahanglang masunod ang minimum health protocols.

Nasayran nga duha ka sites ang nagpaabot nalang sa mga doktor ug nurses ug vaccinators aron ablihan kini ug madugang sa existing vaccination sites sa Cebu City.

Samtang sa Dakbayan sa Mandaue daghan pa nga senior citizens ang nagpabakuna alang sa ilang first dose sa Sinovac vaccine nga gipahigayon sa sports complex sa siyudad kagahapon.

Ang Dakbayan sa Mandaue hingpit na usab nga nibalik sa ilang pagpamakuna sa  senior citizens kagahapon.

Si Mayor Gerald Anthony “Samsam” Gullas Jr. sa Dakbayan sa Talisay naninguha nga makakita sila og dugang lugar aron himuon nga vaccination area.

Nasayran nga ang siyudad mopahigayon na kini sa ilang full blast sa pagpamakuna batok sa COVID-19

Si Gullas nakigtigom sa Emergency Operations Center (EOC) aron estoryahan ang ilang tinguha.

Kagahapon ang siyudad nibalik na sa pagpamakuna human sila nakadawat og mga bag-ong bakuna. - Decemay P. Padilla, Rowena D. Capistrano ug Gabriel C. Bonjoc (BANAT NEWS)

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with