^

Police escort ni Colita imbestigahon

Iris Hazel M. Mascardo (Banat) - April 23, 2021 - 12:00am

CEBU, Philippines — Gipaubos sa interogasyon ang police escort ni Police Sgt. Celso Colita sa dihang kini giingong nagpa 'medical check-up' anang adlawa nga gipatay ang reklamante batok niini ug mga kaubanan.

Sa mao gihapong adlaw nianang pagkagabii tulo ka oras gikan gibanhigan ang reklamanteng si Ritchie Nepumoceno, gialegar nga naghikog si Colita diha sa kasilyas sa buhatan sa Regional Drug Enforcement Unit.

Tumong sa interogasyon sa police escort nga si Police Corporal Christopher Lorete mao ang pagsusi kun asa miadto si Colita tibuok adlaw sanglit gabii na kini nibalik sa Police Regional Office- gikan nilakaw sayo sa buntag.

Si Police Colonel Josefino Ligan, Cebu City Police Office (CCPO) kagahapon (Huwebes) miingon nga ilaha nang gitugyan sa Police Station 2 ang imbestigasyon bahin sa pagbiya ni Colita sa PRO-7.

Si Colita ug 12 ka mga kaubanang polis sa Sawang Calero Police Station gipaubos sa camp restriction human sila gireklamo ni Nepomuceno og robbery, extortion, ug rape.

"Ang escort maoy maka reveal kung asa sya (Colita) anang adlawa gikan sa pag-gawas anang 8:37 hangtod nga nakabalik sya alas sais sa gabii," dugang pang Ligan.

Base sa logbook sa kampo sa PRO-7 , migawas si Colita sa kampo alas 8:37 sa buntag kaniadtong Abril 19, 2021 ug nibalik alas 6 sa gabii pipila ka minutos pagkahuman gipatay si Nepomuceno sa N. Bacalso Avenue ning dakbayan.

Gibutyag ni Ligan nga dili pa sila sigurado kung konektado ang pag-ambush kang Nepumoceno sa paghikog ni Colita.

Kahinumdumam nga si Colita gi- rule out na isip person of interest sa likod sa pagpatay ni Nepomuceno base sa ilang inisyal nga imbestigasyon.

Apan giangkon ni Ligan nga dako og matabang ang mga impormasyong mahatag ni Lorete sa maong mga kaso. —IBM (BANATNEWS)

CELSO COLITA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with