^
Opisyale sa Sugbo nihangop sa community pantry
Nasayran nga sukad nga nag-viral ang Maginhawa Community Pantry didto sa kaulohan daghan usab nga mga lugar sa Pilipinas ang nisunod niini. Tumong sa paghimo sa community pantry aron makatabang sa mga tawo nga naglisod sa kinabuhi human nawagtangi og trabaho, naglisod sa pagpangita og kwarta alang sa inadlaw nga panginahanglan tungod sa COVID-19 pandemic.
STAR/File

Opisyale sa Sugbo nihangop sa community pantry

Decemay P. Padilla (Banat) - April 22, 2021 - 12:00am

CEBU, Philippines — Ang mga tawo nga nianha sa community pantry kagahapon diha sa San Jose Village, Barangay Tisa, Dakbayan sa Sugbo nagkanayon nga dako kini og tabang.

Nasayran nga sukad nga nag-viral ang Maginhawa Community Pantry didto sa kaulohan daghan usab nga mga lugar sa Pilipinas ang nisunod niini. Tumong sa paghimo sa community pantry aron makatabang sa mga tawo nga naglisod sa kinabuhi human nawagtangi og trabaho, naglisod sa pagpangita og kwarta alang sa inadlaw nga panginahanglan tungod sa COVID-19 pandemic.

Si Lydia Caburnay, 81-anyos, wala pay alas 7:00 sa buntag nagpaabot na nga mangabli ang community pantry nipadayag kini nga nalipay siya nga adunay nanghatag kay dako na kaayo kini og tabang kanila aron makakaon.

Usa ka kilong bugas, usa ka putos nga noodles nga naay itlog, kape ug usa ka delata ang gipanghatag.

Si Sheryl Evarola, residente sa Sitio Lutaw-lutaw sa maong barangay nagkanayon nga dako kini og tabang kanila ilabi na nga siya ug ang iyang pares walay trabaho tungod sa pandemiya.

Si Redgie Torres, usa sa mga nitabang sa community pantry sa Barangay Tisa nagkanayon nga ang nagpasiugda sa community pantry sa ilang lugar mao si Alexander Cabatingan nga kaila nila ug igo ra silang gisugo.

Niadtong Lunes gipahibawo sila nga adunay buhaton nga pantry ug sa maong adlaw nangompra sila sa mga gikinahanglan.

Niadtong Martes nila gisugdan ang community pantry ug nalipay sila nga nakatabang sa mga tawo nga nanginahanglan.

Si Mayor Edgardo Labella nihangop sa community pantry ug dili na kinahanglang  mokuha og permit ang mga tigpasiugda niini apan importante nga nakatuman lang sa health protocols.

Matud ni Labella nga dili kini negosyo ug igo ra gyud  mananghid sa barangay ang organizers niini aron matabangan sila sa pagbantay ilabi na sa pagpatuman sa health protocols.

Giawhag ni Labella ang recipients nga dili mag-abusar tungod kay ang mga pagkaon  alang lang kini sa mga naglisod ug kinahanglang sakto ra gyud ang kuhaon aron daghan  ang makabenipisyo.

Ubay-ubay na ang dapit sa siyudad nga niumol og community pantry ug usa na niini ang pipila ka dapit sa Barangay Guadalupe.

Samtang ang direktor sa Cebu City Police Office Police Colonel Josefino Ligan nagkanayon nga walay nakita nga sayop sa community pantry nga nikatap na karon sa bisan asa nga lugar.

Matud pa ni Ligan nga ang maong community pantry tubag kini sa pandemiya maayo usab ang intention ug lakip ang konsepto niini. Dugang ni Ligan nga usa ka maayong lakang ang maong programa ug kinahanglang tumanong health protocols. —Sanden J. Anadia, Rowena D. Capistrano/BDB (BANATNEWS)

SUGBO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with