Lalaki gipusil patay sa talisay
CEBU, Philippines — Patay ang 42 anyos nga lalaki human gipusil sa wa mailhing mamumuno didto sa sitio Sambagan, Barangay Tabunok, Dakbayan sa Talisay, Martes sa gabii.
Ang kapulisan sa Talisay dali nga niresponde sa panghitabo apan sa ilang pag abot wala nay kinabuhi ang biktima nga giila nga si Roger Mangas, nagpuyo sa nahisgutang dapit.
Sa ilang pakisusi, padung nga mokuha sa iyang motorsiklo ang biktima nga iyang giparada sa atbang sa iyang tindahan ug kalit lang gipauwanan og bala sa wa pa mailhing mga tawo.
Dali sab nga nakasibat ang gunman dihang nahagba na sa karsada ang biktima.
Matud pa ni Police Lt. Gerard Ace Pelare, pangu sa Talisay City Police Station nga sutaon nila ang background sa namatay aron kasugdan na nila ang ilang imbistigasyon. —MEL (BANATNEWS)
- Latest