^

Mga seniors sa cebu city bakunahan sunod semana

Sanden J. Anadia (Banat) - April 17, 2021 - 12:00am

CEBU, Philippines — Kapin na sa 23,000 ka senior citizens sa Siyudad sa Sugbo ang nipadayag na sa ilang interest sa pagpaturok og COVID19 vaccine.

Ang 13 ,000 niini nagagikan sa online registration, samtang ang 10,000 kay nagagikan sa house-to-house survey.

Niduso na usab sa ilang rekomendasyon ang Cebu City Vaccination Operations Center (VOC) nga sugdan na sa Lunes ang pagbakuna sa katiguwangan.

Nagkanayon ang city health officer nga si Dr. Jefrey Ibones nga nagpasabot kini nga daghan na gyud ang nadasig nga  katiguwangan  nga magpabakuna.

Giingong resulta kini sa gibuhat nila nga information drive ilabi na nga wala ra naunsa ang gibakunahan nga senior citizens  nga health workers.

Si Cebu City Vice Mayor Michael Rama mikumpirmar nga bakunahan ang unang batch sa senior citizens sugod karong Lunes ,Abril 19, 2021.

Hinuon dili pa gyud tanan sanglit giagad ra gyud ang nahibilin nga vaccines.

Mag-update ra hinuon sila alang sa unang batch senior citizens busa mohimo sila og koordinasyon sa Association of Barangay Councils (ABC).

Gipahibalo usab ni Mayor Edgardo Labella nga gipasaligan na siya sa vaccine czar nga si Secretary Carlito Galvez, Jr. nga dunay dugang mga  bakuna gikan sa nasudnong kagamhanan para sa siyudad.

Matud pa nga dugang 500,000 ka bakuna ang maabot sa nasud sa sunod nga mga adlaw og iapod-apod kini sa nagkadaiyang local government units.

Malipayong gipahibalo nga usa ang siyudad sa hatagan og prayoridad sa distribusyon sa bakuna.

Nagkanayon ang mayor nga unahon og gamit ang alokasyong bakuna gikan sa national government  ayha pa unya gamiton ang mapalit sa siyudad nga mga bakuna.— IBM (BANATNEWS)

SENIOR CITIZEN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with