^

Hangyo ni Labella kang Villar wala pa tubaga

Sanden J. Anadia (Banat) - April 17, 2021 - 12:00am

CEBU, Philippines — Wala pa gihapoy nadawat nga tubag si Mayor Edgar Labella  gikan sa kalihim sa Department of Public Works and Highways (DPWH) nga si Mark Villar kalabot sa iyang hangyo nga magpadala og mga eksperto dinhi sa siyudad  aron masuta ang functionality ug structural integrity sa underpass diha sa Mambaling.

Napurhisyo ang mga motorista sa maong dapit panahon nga mobuhok ang ulan sanglit bahaon gyud ang maong dapit ug dili na maagian. Nagkanayon ang mayor nga  ang pagdangop niya kang Villar kay alang sa kaayohan sa tanan ilabi na kadtong napuwerhisyo sa maong dapit panahon nga mobunok ang ulan.

Nagkanayon ang mayor nga sa iyang nahinumdan nga pila ka tuig na ang nilabay , nahisgotan nga  butangan og underground concrete cisterns  ang maong imprastruktura apan kalit lang kini nahilom. Mao nga nagkinahanglan si Labella og opinyon gikan sa mga batid sa DPWH bahin sa estado sa maong underpass.

Nahimong kontrobersiya ang maong under pass human naningog ang pipila ka opisyales kalabot sa pagbaha sa maong dapit.

Usa na niini mao si Konsehal Eduardo Rama Jr. kun diin nitataw kini nga pila na ka higayon nga gipatawag  sa konseho sa siyudad ang DPWH apan hangtud karon giingong wala gihapon masulbad ang maong problema.

Wala kini mahimuot  sanglit dul-an sa P1 billion ang nagasto sa maong proyekto apan bahaon ra kini hinungdan sa grabeng traffic sa lugar kung mobunok ang uwan.

Si Cebu City Second District Representative Rodrigo “Bebot” Abellanosa, kinsa nangamahan sa maong proyekto mibasol sa matud pa diversion pipes nga gipabutang sa underpass maong magbanaw ang baha.— IBM (BANATNEWS)

EDGAR LABELLA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with