Bar owners ug EOC nagtagbo

CEBU, Philippines — Nagtigom sa miaging adlaw ang Cebu City Emergency Operations Center ug ang mga bar owners nga usa sa mga sektor nga naapektohan og maayo sa pandemiya sa Covid-19.

Usa sa ilang nahisgotan mao ang panawagan sa bar owners sa posibleng pagbukas og balik sa ilang mga tindahan sa higayon nga malibkas na ang ang liquor ban sa siyudad.  Dul-an sa 20 ka bar operators ang nitambong sa maong tigom nga gitambongan usab sa mga doktor ug cluster heads sa EOC.

“We should be mindful of the reality that we are still in a pandemic,” maoy tipik sa mensahe ni Konsehal  Joel Garganera, IATF deputy chief implementer sa EOC.

Sa Facebook page sa EOC , nahisgotan ang  Executive Order No.117 ni Mayor Edgardo Labella nga nagpatuman sa liquor ban sa mga establisamento.

Tumong niini nga malikayan ang mga dili importanteng pagtapoktapok sa mga tawo tungod sa padayong hulga sa Covid-19.

Hinuon ang mga grocery stores ug  convenience stores, mga tindahan,  makabaligya gihapon og mga ilimnon apan dili mahimong anha sa ilang tindahan o establisamento imnon.

Advertising
Scroll to continue

Ang mga hotel mahimo ra modalit og ilimnon apan adto ra sa ilang

in-house guests.

Samtang ang Business Permit and Licensing Office (BPLO) sa pag-inspeksyon sa mga establisamento kun nituman ba sila sa minimum health protocols.

 Ang resulta sa tigom diskusyonan pa sa EOC ug ni Labella.

Kun pananglitan maabli na og balik ang mga resto bar ubos sa new normal, ipatuman gyud dapat ang 50% nga kapasidad, walay live bands, magsulb-ob og face mask ang mga tawo kun wala kini mag-inom o nagkaon,  kinahanglan motuman sa gilatid nga curfew, ug kinahanglan nga magpatabang ang bar owners sa barangay o sa kapolisan kun pananglitan magmagahi ang kustomer sa pagtuman sa health protocols.— IBM (BANATNEWS)

Show comments