^

Mga krus sa CCLEX gipasiga

Rowena D. Capistrano (Banat) - April 16, 2021 - 12:00am

CEBU, Philippines — Gihangop ug gikalipay sa presidente ug kasamtangang general manager sa Cebu Cordova Link Expressway Engr. Allan Alfon ang pagbendisyon ug ceremonial lighting kagaabii sa walo ka mga krus sa gitukod nga Cebu-Codova Express Link (CCLEX) nga magsumpay sa Dakbayan sa Sugbo ug sa Lungsod sa Cordova nga gipangulohan ni Archbishop Jose Palma sa Archdiocese of Cebu.

Matud pa ni Alfon, dili ikalilong nga apektado gayud sila sa Covid-19 pandemic. Matud niya nadelatar ilang pagtrabaho matag dunay trabahanteng napositibo kay kinahanglan ang contact tracing.

Sumala pa niya prayoridad nila nga piskay ug himsog ang panglawas sa ilang mga trabahante. Gawas pa niana, una nang gibutyag ni Alfon nga bisan ang ilang mga eksperto nga gikan pa sa ubang nasud naapektahan sa paganhi dinhi tungod gihapon sa mga restriksyon.

Hinuon bisan pa sa mga pagkadelatar nahuman na nila ang 70 porsiyento sa taytayan.

Gihulagway niyang ang CCLEX maoy ilang gasa sa kasaulogan sa ika- 500 ka tuig sa Kristiyanismo sa Sugbu.

Gipaningkamotan nila nga karong tuiga hingpit na nilang mainstalar ang kataposang bahin sa taytayan nga magkonektar sa mga estrakturang gitrabaho sab sa pikas tampi sa habig sa Cordova.

Gani sa unang kwarter sa sunod tuig, mahimo na kining maagian sa mga tawo. Gikompirmar sab ni Alfon, nga ang maong taytayan pagatawgon unya ug Sto. Niño Bridge. Sa pikas bahin, gisugdan na ang pagdala sa Imahe ni Senyor Sto. Niño ug sa Jubilee Cross sa nagkadaiyang  mga parokya ,human sa procession sa 500 Years of Christianity nga misa sa re-enactment sa unang bunyag atubangan sa Magellan’s Cross nga nahimutang sa may Plaza Sugbo sa Cebu City Hall ning Dakbayan sa Sugbo niadtong Miyerkules sa hapon.

Si Fr. Andrei Ventanilla, ang Chairman sa Commission on Youth sa Archdiocese of Cebu nga niuban sa maong kalihukan miingon nga human sa unang bunyag  gidala nila ang imahe ug ang krus ngadto sa Immaculate Concepcion Parish sa Lungsod sa Oslob. Kutob ra sila sa Abril karong adlawa sa maong parukya ug ibalihin usab kini ngadto sa parukya sa Lungsod sa Santander.

Dugang pa ni Ventanilla, human sa Santander ibalik kini siya dinhi na usab sa Dakbayan sa Sugbo.

Gitug-an ni Ventanilla, Mayo 4, 2021 motuyok na sab ang Sto. Niño ug Jubilee Cross sa mga parukya sa District 6 nga magsugod sa simbahan sa Aloguinsan ug matapos sa parukya usab Tabuelan.

Si Ventanilla, nibutyag ang maong kalihukan, subay gihapon sa kalihukan sa 500 Years of Christianity. —IBM (BANATNEWS)

EXPRESSWAY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with