100 ka tawo nabunyagan sa Lapu-Lapu
CEBU, Philippines — Nahimong emotional ang nahitabo nga Mass and Rite of Initiation o ang adult baptism diha sa National Shrine of Our Lady of Rule sa Dakbayan sa Lapu-Lapu.
Ang maong kalihokan gitambongan sa gatusan ka tawo nga nagpangedaron og 21-anyos pataas gikan sa mga nagkadaiyang parokya sa Archdiocese of Cebu.
Nangulo sa maong selebrasyon si Auxiliary Bishop Midyphil Billones, team moderator sa National Shrine of St. Joseph nga giubanan nila ni Archbishop Jose Palma ug uban pang mga obispohan sa nagkadaiyang diocese lakip usab niini si Bishop Daniel Parcon, sa Diocese of Talibon kinsa maoy nihatag ug homiliya.
Nasayran nga si Parcon diha kini nabunyagi sa nahisgutang prokya 58 ka tuig na ang nilabay.
Matud ni Parcon nga wala siya magdahum nga mobalik sa maong parokya aron mopaambit sa homily sa adult catechism.
Si Parcon niawhag kini sa mga magtutuo nga maghigugmaay sa usag-usa ug moapil sa mission sa simbahan sa pagpaambit sa gugma sa Ginoo ngadto sa isigkaingon aron adunay kausaban karon ang kalibutan. Gibutyag ni Parcon nga ang mga magtutuo kinahanglang magpabiling konektado sa Ginoo nga maoy tinubdan sa kinubihi ug grasya.
Samtang usa sa mga binunyagan nga Elizabeth Labang, gikan sa Sto. Tomas de Villanueva Parish ang emotional sa sakramento nga iyang nadawat ug nitug-an nga dako kining grasya sa iyang kinabuhi ug sa iyang pamilya.
Si Cardinal Orlando Quevedo sa Cotabato mapasalamaton nga nakatambong sa kasaysayan sa unang bunyag ug konpirmasyon ug nakita usab niya ang hugot nga pagtuo sa mga Sugbuanon.
Human sa misa sa adult baptism gipahigayon usab ang motorcade diin nituyok kini gikan sa Basilica Monore Del Sto Nino ngadto sa mga dakbayan sa Mandaue ug Lapu-Lapu ug Lungsod sa Cordova ug dayon balik sa Sugbo. BDB (BANATNEWS)
- Latest