^
Altar retablo nga gamiton sa 500 YOC gimontar kagahapon
“Sponsored na sa tighimo og retablos gyud. Kato nang gigamit pag-IEC unya naa lang mga innovations gihimo sila. Si Mr. Glenn and Mrs. Anne Mendiola ana ang nagpahulam”, matud ni Geonzon.
STAR/File

Altar retablo nga gamiton sa 500 YOC gimontar kagahapon

Decemay P. Padilla (Banat) - April 14, 2021 - 12:00am

CEBU, Philippines — Gipaningkamotan sa Glemend Stained Glass and Retablo Fabrication Services nga mahuman nila kagahapon ang pagmontar sa altar retablo diha sa Magellan’s Cross diin anha ipahigayon ang kalihokan alang sa 500 Years of Christianity Celebration karong adlawa. Matud ni Padre Japheth Geonzon, vice chair sa Archdiocesan Commission on Worship nga ang altar retablo nga gibutang sa Magellan’s Cross mao usab kini ang gigamit sa pagpahigayon sa International Eucharistic Congress ug duna lay innovations nga gihimo.

“Sponsored na sa tighimo og retablos gyud. Kato nang gigamit pag-IEC unya naa lang mga innovations gihimo sila. Si Mr. Glenn and Mrs. Anne Mendiola ana ang nagpahulam”, matud ni Geonzon.

Ang Glemend Stained Glass and Retablo Fabrication Services mao ang leading supplier sa retablo ug stained glass sa Visayas ug Mindanao ug Cebu-based usab sila.

Matud ni Glenn Johnson Mendiola, general manager sa kompaniya nga ang altar retablo maoy gamiton sa misa nga ipahigayon karong adlawa.

Adunay baptismal font nga gihimo nga maoy gamiton alang sa himuong reenactment sa unang bunyag sa nasud.

Gibutyag ni Mendiola nga sa paghimo sa retablo molanat kini sa duha ngadto sa tulo ka buwan ug gisugdan nila ang pagplano niini niadto pang buwan sa Pebrero niining tuiga ug gihinay-hinay dayon og buhat.

Matud usab ni Mendiola nga usa ka dakong kalihokan ang 500 Years of Christianity ug nalipay sila nga nahimong tipik niini aron mapakita nila ang ilang talent diin ang  mga  worker ug artists nga nigama sa altar retablo pulos Cebuano.

Nasayran nga 20 ngadto sa 25 ka tawo ang naghimo sa Altar Retablo diin ang gasto niini nikabat ngadto sa P2.5 milyones sa materyales ug labor sa mga tawo nga adunay mga kasinatian sa paggama og retablo. BDB (BANATNEWS)

CHRISTIANITY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with