PUV ug bikers sa Cebu City gi-required sa road sharing
CEBU, Philippines — Ang Cebu City Council kay ni-required sa tanang public utility vehicles (PUV) drivers ug bikers nga magbaton og saktong road sharing ug courtesy sa “conflict areas” aron malikayan ang traffic accidents ug mamentinar ang kahapsay og kalinaw sa kadalanan.
Ang PUV’s naglangkub kini sa public utility buses, public utility jeepneys ug taxi.
Nihangyo usab ang City Council sa Cebu City Transportation Office (CCTO) nga mag-deploy og traffic enforcers sa tanang conflict areas lakip na ang PUV stops.
Gimandoan usab ang traffic enforcers nga atol sa peak hours gikan sa alas 6:00 ngadto sa alas 9:00 sa buntag ug alas 4:00 sa hapon hangtud sa alas 6:00 sa gabii ang PUVs maoy hatagan og prayoridad sa conflict areas.
Ang nahisgutang resolusyon nga gipangamahanan ni Konsehal James Anthony Cuenco giaprobahan kini sa konseho sa siyudad.
Si Cuenco nagkanayon nga ang City Ordinance No. 2408 nga nailhan usab isip “Sugbo Bike Lanes Ordinance” ang wala nagtuki og specific provisions o pamaagi sa higayon nga magkaabot ang PUV’s ug bikers diha sa pipila ka bahin sa kadalanan lakip na ang PUV stops.
Pinasubay sa DPWH Department Order 88, Series of 2020 ang maong mga area diin mag-abot ang duha ka habig gitawag kini og conflict areas.
Sa pag-establisar og bike lanes gimandoan na ang PUV’s sa pag-share og espasyo alang sa bike lanes. BDB (BANATNEWS)
- Latest
