^

Namatay human mabakunahi?

Gabriel Bonjoc (Banat) - April 13, 2021 - 12:00am

CEBU, Philippines — Gibati og kabalaka ang mga paryente ug mga silingan sa usa ka giingong staff worker sa usa ka pampublikong tambalanan kinsa namatay human nabakunahan batok sa coronavirus.

Ang mao si Sydney Rose Panimdim, 37, taga sitio Rattan, Barangay Tanke, Dakbayan sa Talisay namatay human siya giatake sa hubak.

Ang mga kabanay niini nga sila si Franco Bacalso ug Ofelia Bacalso niingon nga daan na nga hubakon ang namatay.

Nagtrabaho siya isip tiglimpyo sa usa ka pampublikong tambalanan sa siyudad sa Sugbo.

Pag-abot sa bakuna, nagpaturok kini dungan sa ubang mga nagtrabaho sa maong tambalanan  apan paglabay sa pipila ka adlaw giatake kini sa hubak ug dunay nanggawas nga rashes sa kalawasan.

Giturokan sa ikaduha nga dose ang maong babaye niadtong Abril 9 ning tuiga. Matud pa nga nakaestorya pa kini kanila nga sa iyang paminaw isog kaayo ang ikaduhang dose.

Pagkasunod adlaw niana nakatrabaho pa siya apan wala nipauli kay naglain na ang iyang lawas. Pagka adlaw nga Domingo sa hapon giatake kini sa hubak hangtud nga nakabsan kini sa iyang kinabuhi.

Gisuwayan sa Banat News sa pakighinabi ang mga ginikanan apan wala pa kini sa ilang panimay kay gilihok ang mga papeles aron mapahiluna ang lawas sa ilang anak. Si Kapitan Nelson Cabanes sa Barangay Tanke miingon nga ilang ipasusi ang mga pamahayag sa mga silingan sa namatay bahin sa nasinati niini human nabakunahan.

Si Dr. Maryjane Loreche, tigpamaba sa Department of Health Central Visayas miingon nga ilang susihon ang maong report.

 “Currently, we are retrieving medical records and coordinating with the hospital. It is too early to connect the death to the vaccination. Rest assured that we will do diligent analysis and will conduct a thorough checking for this patient. Prior to linking the death to the vaccine that was used, a causality will have to be established without doubt. We sympathize with the family. We also enjoin the public to    keep an open mind and not to be afraid to have themselves vaccinated,” tubag pa ni Loreche.

Sa pagkakaron, ang DOH-7 nakapanghatag na og Sinovac nga bakuna ug nakaduha ka dose na ang mga unang gibakunahan.

Samtang ang AstraZeneca nga bakuna padayon pa sa paghatag para sa unang dose sa mga frontliners, apan wala pa kini nahuman ug wala pa sab masuta kun kanus-a ang ikaduhang dose niini. —IBM (BANATNEWS)

DEAD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with