Pagpamakuna gihunong human usa ka sakop sa RHU nagpositibo
CEBU, Philippines — Suspendido una ang vaccination sa Lungsod sa Ginatilan human nga usa ka personnel sa Rural Health Unit sa lungsod ang nagpositibo sa coronavirus disease.
"Tungod niini, temporaryong gisirado ang atong RHU ug suspendido ang tanang mga activities sama sa COVID-19 Vaccination ug uban pa nga gidumala sa RHU sunod semana until further notice" sumala sa pagpahibalo sa lungsod pinaagi sa IHeart Ginatilan facebook page.
Ang maong RHU personnel mao ni ang ika-53 nga nagpositibo sa COVID-19 sa lungsod. Anaa ni karon na confine sa St. Vincent General Hospital.
Gitataw hinoon sa lungsod nga padayon ang serbisyo sa ubang departamento sa Munisipyo.
Ang Lungsod sa Ginatilan nakadawat na kini og sinovac ug Astrazeneca vaccine kon diin nagsugod na og pamakuna sa mga frontline workers sa lungsod. —MEL (BANATNEWS)
- Latest