Malacanang mideklarar og holiday karong Abril 14
CEBU, Philippines — Opisyal na nga gideklarar sa Malacan?ang nga Special Non-working Holiday dinhi sa Siyudad sa Sugbo karong Abril 14, Miyerkules alang sa selebrasyon sa 500 Years of Christianity In The Philippines.
Gipahibalo kini ni Executive Secretary Salvador Medialdea pinasubay sa proclamation no. 1130 ni Presidente Rodrigo Duterte. Matud pa nga maghatag kini og kahigayonan sa mga Sugbuanon sa pagsaulog sa maong okasyon uban sa pagtuman sa saktong health protocols.
Kahinumdoman nga niadtong Enero, nipasar og resolusyon ang Konseho sa Siyudad sa Sugbo alang sa maong katuyoan. —MEL (BANATNEWS)
- Latest