_banat
^

Banat Balita

Frontliners gitawag nga mga bayani

Decemay P. Padilla - Banat

CEBU, Philippines — Ang bayanihong  sakripisyo sa tanang frontliners may sentro sa mensahe ni Cebu City Mayor Edgardo Labella alang sa kasaulogan sa “Araw ng Kagitingan” kagahapon.

Sa gipagawas nga pamahayag sa mayor, gihatagan niya og gibug-aton ang sakripisyong gihimo sa mga frontliners aron mapanalipdan ang katawhan gikan sa pandemiya sa Covid-19.

“Our country is built on the bravery of the generations that came ahead of us. We are here today because of them. That courage helped us go through the horrors of World War II. Today’s Day of Valor looks back to those harrowing years and our people’s courage that shone through our horrible experience,” suma pa sa mayor.

Kaisog

Gilakbitan paghisgot ni Labella ang pipila ka mga bayani nga silang Leon Kilat, Arcadio Maxilom, Lapu-Lapu, ug uban pa nga nibarog gyud alang sa kagawasan sa Pilipinas gikan sa mga langyaw nga mananakop pinaagi sa pakigbisog.

“Ang kaisog, kinaiya gayud natong mga Sugbuanon. Makigbisog kita labi na kung ang kaluwasan sa atong komunidad ang hisgotan,” dugang pa sa mayor.

“That bravery and love for country continues today. We see it in the many front liners helping our community in the fight of our generation: protecting our people from a pandemic. We remember and thank them today. And we honor their sacrifices by making sure their valor is not in vain,” panapos pa sa mayor.

Dili pa lang dugay , nagpadala ang Sugbo og 50 medical frontliners ngadto sa National Capital Region (NCR) aron motabang sa maong dapit sa pakigkombati sa COVID19.

Ang kagamhanan sa siyudad motunol sab og P10,000 nga dugang incentives  sa matag frontliner nga gipadala didto sa kaulohan.

Nikubos

Sa talaan sa Emergency Operations Center sa siyudad, nagpabiling wala makaabot og 900 ang aktibong kaso sa siyudad. Base sa ilang talaan duna lang karoy 842 aktibong kaso sa dakbayan.

Apan nabantayan nga sa nakalabay nga walo ka adlaw nisaka og siyam ka mga kaso ang natala ning bulana.

Kanin aktibong kaso gikan sa 66 ka barangay, 14 ka barangay sa siyudad ang wala nay transmisyon sa virus.

Base sa Abril 8 nga natala, ang positivity rate sa siyudad mas taas sa 5 percent nga sukaranan sa WHO tungod kay niabot kini og 8.5 percent. Sa 941 ka tawong nagpa swab test 80 nila ang naposotibo.

COVID-19 beds

Apan bisan pa niini sa 707 ka mga higdaanang gitagana sa tanang tambalanan sa siyudad alang sa mga pasyenteng dunay Covid-19, 304 lang niini ang naokupar.

Duna say 100 ka pasyente nga gi-isolate karon sa NOAH Complex, 58 sa Cebu City Quarantine Center samtang ang mga Barangay Isolation Centers  dunay giatimang 169 ka pasyente ug ang uban naa sa mga hotel.

Apan sa talaan sa Department of Health-Central Visayas case bulletin ang Cebu City aduna pay 1,091 aktibong kaso sanglit naghimo pa sila og validation sa mga pasyenteng nangaayo.

Ang Cebu Province  adunay 1,171 ka aktibong kaso , Negros Oriental 192, Bohol 352 ug Siquijor 25 aktibong kaso.

Samtang ang Mandaue City dunay 5,927 total cases human nakatala og 29 ka bag-ong kaso, naa nalang sab sa 781 ang active cases tungod sa nadugang nga 50 ka bag-ong nangaayo samtang 203 ang nakalas.

Samtang ang Lapu-Lapu City dunay 811 active cases human nakatala og 28 ka bag-ong kaso. Nakatala sab kini og 16 nga nangaayo sa samang adlaw.

Sa datos sa DOH-7 ang Central Visayas dunay 51,388 total cases sa COVID-19; naa sa 4,423 ang active cases; 45,129 ang recoveries ug 1,836 ang nangamatay.—Caecent No-ot Magsumbol /IBM (BANATNEWS)

FRONTLINERS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with