^

Banat Balita

Lima ka drug dens gironda

Rowena D. Capistrano - Banat

CEBU, Philippines — Gironda sa mga tinugyanan sa Philippine Drug Enforcement Agency Central Visayas, ug Cebu City Police Office ang lima ka mga “lungag” o drug dens diha sa Barangay Mambaling ning Dakbayan Sugbo, Lunes sa hapon.

Gawas sa nangadakpang 19 ka mga tawo gibungkag sa mga operatiba ang maong lima ka drug dens sa Huyong-Huyong ug Alaska Proper. Atol sa maong operasyon mga pinutos nga ginadiling drugas nga mobalor og P341 mil base sa Dangerous Drug Board Value.

Ang maong operasyon gihimo pinasikad sa mga search warrants base sa nakuhang impormasyon nga dunay drug dens sa maong lugar ug niresulta kini sa pagkasikop sa maintainer niini nga silang Michael Dela Peña, Alvis Allera, Gaudencio Barcelona ug Edwin Doble. Apan dunay usa sa mga caretakers ang nakaeskapo.

Gidakop sab sa kapolisan ang mga gidudahang parokyano sa mga dinakpan nga silang Blanch Salaritan, Virgilio Ruiz, Malyn Flores, John Catipay, Ericxis Campaña, Manolito Servado, Julius Abanilla, Rufo Servado, Genry Artesuela, Jessa Cabesas, Larlie Torreon, Jefrey Ochia, Christopher Antipuesto, Renato Cristota ug Randy Talisic.

Ang mga dinakpan nagtingkagol na karon sa kapolisan ug gikatakdang pasakaan og kasong kalapasan sa Republic Act No. 9165.— IBM (BANATNEWS)

CENTRAL VISAYAS

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with